დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | საქართველოს მიწათმოწყობის სახელმწიფო საპროექტო-საძიებო და სამეცნიერო-კვლევითი ინსტიტუტის "საქსახმიწპროექტის" ორგანიზაციულ სამართლებრივი ფორმის სრულყოფის შესახებ | |
|---|---|
| დოკუმენტის ნომერი | 700 |
| დოკუმენტის მიმღები | საქართველოს პრეზიდენტი |
| მიღების თარიღი | 19/12/1998 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | სსმ, 2(9), 28/01/1999 |
| ძალის დაკარგვის თარიღი | 19/12/2005 |
| სარეგისტრაციო კოდი | 440050000.05.002.000001 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (28/01/1999 - 17/12/2005)
საქართველოს პრეზიდენტის
ბრძანებულება №700
1998 წლის 19 დეკემბერი
ქ. თბილისი
საქართველოს მიწათმოწყობის სახელმწიფო საპროექტო-საძიებო და სამეცნიერო-კვლევითი ინსტიტუტის "საქსახმიწპროექტის" ორგანიზაციულ სამართლებრივი ფორმის სრულყოფის შესახებ
საქართველოს მიწათმოწყობის სახელმწიფო საპროექტო-საძიებო და სამეცნიერო-კვლევით ინსტიტუტ "საქსახმიწპროექტს" წლების მანძილზე მნიშვნელოვანი წვლილი აქვს შეტანილი ქვეყნის ეკონომიკურ ცხოვრებაში. მაღალია ინსტიტუტის კოლექტივის სამეცნიერო-კვლევითი პოტენციალი. ქვეყნის საბაზრო ეკონომიკაზე გადასვლის პროცესში კიდევ უფრო გამოიკვეთა ინსტიტუტის წამყვანი როლი მიწათმოწყობისა და კადასტრის შედგენის საქმეში.
თანამედროვე პირობებში ინსტიტუტის პოტენციური შესაძლებლობის ეფექტიანად გამოყენების და მისი ორგანიზაციულ-სამართლებრივი ფორმის მოქმედი კანონმდებლობის მოთხოვნებთან შესაბამისობის მიზნით:
1. საქართველოს მიწათმოწყობის სახელმწიფო საპროექტო-საძიებო და სამეცნიერო-კვლევითი ინსტიტუტი "საქსახმიწპროექტი" ჩამოყალიბდეს როგორც საქართველოს მიწის მართვის სახელმწიფო დეპარტამენტის დაქვემდებარებაში მყოფი საჯარო სამართლის იურიდიული პირი ორგანიზაციულ-სამართლებრივი ფორმით და მიენიჭოს მას უფლებამოსილება თავისი მიზნების განსახორციელებლად შექმნას კერძო სამართლის იურიდიული პირები მოქმედი კანონმდებლობით დადგენილი წესით.
2. საქართველოს მიწის მართვის სახელმწიფო დეპარტამენტმა მოქმედი კანონმდებლობის შესაბამისად დაამტკიცოს ინსტიტუტის დებულება.
3. საქართველოს სახელმწიფო ქონების მართვის სამინისტრომ უზრუნველყოს ქ. თბილისში თვალჭრელიძის ქ. № 6-ში მდებარე ავტოფარეხის, არქივის და თამარაშვილის ქ. №15-ა-ში მდებარე შენობის, გარდა იმ ნაწილისა, სადაც კანონიერად განთავსებული არიან სახელმწიფო და არასახელმწიფო დაწესებულებები და ორგანიზაციები, ინსტიტუტისათვის გადაცემა მოქმედი კანონმდებლობით დადგენილი წესით.
4. შეტანილ იქნეს შესაბამისი ცვლილებები "მიწის მართვის გაუმჯობესების ღონისძიებათა შესახებ" საქართველოს პრეზიდენტის 1996 წლის 25 დეკემბრის №836 ბრძანებულების მე-4 პუნქტის "ბ" ქვეპუნქტში და "საქართველოს მიწის მართვის სახელმწიფო დეპარტამენტის დებულების შესახებ" საქართველოს პრეზიდენტის 1997 წლის 28 ოქტომბრის №603 ბრძანებულებით დამტკიცებულ დებულებაში.
ე. შევარდნაძე
დოკუმენტის კომენტარები