სამინისტროს შიდა აუდიტის დეპარტამენტის დებულების დამტკიცების შესახებ“ აჭარის ავტონომიური რესპუბლიკის ფინანსთა და ეკონომიკის მინისტრის 2010 წლის 30 ივლისის №80 ბრძანებით დამტკიცებულ „შიდა აუდიტის დეპარტამენტის დებულებაში“ ცვლილებებისა და დამატების შეტანის თაობაზე

აჭარის ავტონომიური რესპუბლიკის ფინანსთა და ეკონომიკის მინისტრის

ბრძანება №37

2011 წლის 7 მარტი

ქ. ბათუმი

„აჭარის ავტონომიური რესპუბლიკის ფინანსთა და ეკონომიკის სამინისტროს შიდა აუდიტის დეპარტამენტის დებულების დამტკიცების შესახებ“ აჭარის ავტონომიური რესპუბლიკის ფინანსთა და ეკონომიკის მინისტრის 2010 წლის 30 ივლისის №80 ბრძანებით დამტკიცებულ „შიდა აუდიტის დეპარტამენტის დებულებაში“ ცვლილებებისა და დამატების შეტანის თაობაზე

,,აჭა­რის ავ­ტონომიური რესპუბლიკის ნორმატიული აქ­­ტების შე­სა­­­ხებ” აჭარის ავტო­ნომიური რეს­პუბლიკის კანონის 26-ე მუხ­­­ლის შესაბამისად, ვბრძანებ:

1. „აჭარის ავტონომიური რესპუბლიკის ფინანსთა და ეკონომიკის სამინისტროს შიდა აუდიტის დეპარტამენტის დებულების დამტკიცების შესახებ“ აჭარის ავტო­ნო­მიური რესპუბლიკის ფინანსთა და ეკონომიკის მინისტრის 2010 წლის 30 ივლისის №80 ბრძანებით დამტკიცებულ „შიდა აუდიტის დეპარტამენტის დებულებაში“ (სსმ III, 12.08.2010, №98, მუხ.1471) შეტანილ იქნეს შემდეგი ცვლილებები და დამატება:

ა) პირველი მუხლის მე-3 პუნქტი ჩამოყალიბდეს შემდეგი რედაქციით:  

„3. დეპარტამენტი კანონონმდებლობითა და ამ დებულებით მინიჭებული უფლე­ბა­მოსილების ფარგლებში მოქმედებს შიდა აუდიტთან დაკავშირებული საკითხე­ბის განმხილველ საბჭოსთან (შემდგომში – საბჭო) კოორდინირებულად და ანგარიშ­ვალ­დე­ბულია მინისტრის წინაშე.“;        

ბ) მე-2 მუხლის მე-4 პუნქტი ჩამოყალიბდეს შემდეგი რედაქციით:

„4. შიდა აუდიტორული დავალების საფუძველზე განსახორციელებელი შიდა აუდიტი შესაძლებელია იყოს შემდეგი სახის: 

ა) შესაბამისობის აუდიტი;

ბ) ოპერაციული აუდიტი;

გ) ეფექტიანობის აუდიტი;

დ) ფინანსური აუდიტი.“;

გ) მე-2 მუხლს დაემატოს შემდეგი შინაარსის 4¹ პუნქტი:

„4¹. შიდა აუდიტი ხორციელდება გასვლითი ან კამერალური აუდიტის მეთოდით, თემატური ან კომპლექსური აუდიტის ფორმით (შიდა აუდიტის მიზნე­ბიდან გამომდინარე).“;

დ) მე-3 მუხლის მე-2 პუნქტი ჩამოყალიბდეს შემდეგი რედაქციით:

„2. დეპარტამენტი უფლებამოსილია მინისტრთან და საბჭოსთან შეთანხმებით ოფიციალურ ბეჭდვით ორგანოში გამოაქვეყნოს შიდა აუდიტორული დასკვნა, ანგარიში ან/და მოხსენება.“;

ე) მე-4 მუხლის მე-3 პუნქტის:

ე.ა) „ა“ ქვეპუნქტი ჩამოყალიბდეს შემდეგი რედაქციით:

„ა) ამზადებს და მინისტრს შესათანხმებლად წარუდგენს შიდა აუდიტის საქმიანობის სტრატეგიულ და წლიურ გეგმებს;“;

ე.ბ) „დ“ და „ე“ ქვეპუნქტები ჩამოყალიბდეს შემდეგი რედაქციით:

„დ) პასუხისმგებელია საბჭოსთვის ფინანსური მართვისა და კონტროლის სისტემის შემუშავებისა და შემოღების შესახებ წლიური ანგარიშის მომდევნო წლის იანვრის დასრულებამდე წარდგენისათვის;

ე) ხელმძღვანელობს სამინისტროს ფინანსური მართვისა და კონტროლის საკუთარი სისტემის საერთაშორისო სტანდარტებისა და მოქმედი კანონმდებლობის შესაბამისად შემუშავების პროცესს, არსებული მდგომარეობისა და სამინისტროს საქმიანობის სპეციფიკის გათვალისწინებით;“;

ე.გ) „პ“ და „ჟ“ ქვეპუნქტები ამოღებულ იქნეს;

ვ) მე-4 მუხლის მე-6 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) დაიცვან აუდიტის სტანდარტები, შიდა აუდიტორთა ეთიკის კოდექსი, შიდა აუდიტის მარეგულირებელი კანონმდებლობა, შიდა აუდიტის განხორციელების მეთოდოლოგია;“.

2. ბრძანება ძალაში შევიდეს გამოქვეყნებისთანავე.

ვ. ბოლქვაძე