”ბავშვზე ზრუნვის სტანდარტების დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2009 წლის 26 აგვისტოს №281/ნ ბრძანებაში ცვლილებების შეტანის თაობაზე

საქართველოს შრომის, ჯანმრთელობისა და სოციალური დაცვის მინისტრის

ბრძანება №01-2/ნ

2011 წლის 9 მარტი

ქ. თბილისი

„ ბავშვზე ზრუნვის სტანდარტების დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2009 წლის 26 აგვისტოს № 281/ნ ბრძანებაში ცვლილებების შეტანის თაობაზე

„ ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად,

ვბრძანებ:

    მუხლი 1

„ ბავშვზე ზრუნვის სტანდარტების დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2009 წლის 26 აგვისტოს № 281/ნ ბრძანების (სსმ III, 31.08.2009 წ., № 107 მუხ. 1231) პირველი პუნქტით დამტკიცებულ დანართში (ბავშვზე ზრუნვის სტანდარტები ) შეტანილ იქნეს შემდეგი ცვლილებები:

1. სტანდარტი 5-ის (შეფასება, მომსახურების ინდივიდუალური გეგმა და შემთხვევის მართვა) აღსრულების მაჩვენებლიდან ამოღებულ იქნეს „ა ” ქვეპუნქტი.

2. სტანდარტი 6-ის ( ემოციური და სოციალური განვითარება) აღსრულების მაჩვენებლის „ი ” ქვეპუნქტი ჩამოყალიბდეს შემდეგი რედაქციით:

„ი) ბავშვს, მომსახურების მიზნების გათვალისწინებით, აქვს უფლება, იქონიოს პირადი ნივთები და მათი შენახვის ადგილი. ”.

3. სტანდარტი 13-ის (უსაფრთხო გარემოს უზრუნველყოფა) აღსრულების მაჩვენებლიდან ამოღებულ იქნას „ზ ” და „თ ” ქვეპუნქტები.

4. სტანდარტი 14-ის (მომხმარებელზე ორიენტირებული გარემო) აღსრულების მაჩვენებლიდან ამოღებულ იქნეს „დ ” და „ე ” ქვეპუნქტები.

5. სტანდარტი 15-ის (მართვა) აღსრულების მაჩვენებლიდან ამოღებულ იქნეს „ზ ” ქვეპუნქტი.

    მუხლი 2

ბრძანება ამოქმედდეს გამოქვეყნებისთანავე.

ა. ურუშაძე