„ქედის მუნიციპალიტეტის გამგეობის ზედამხედველობის სამსახურის დებულების დამტკიცების შესახებ“ ქედის მუნიციპალიტეტის საკრებულოს 2010 წლის 30 ნოემბრის №35 დადგენილებაში ცვლილებების შეტანის შესახებ

ქედის მუნიციპალიტეტის საკრებულოს

დადგენილება №5

 2011 წლის 28 თებერვალი

დ. ქედა

„ქედის მუნიციპალიტეტის გამგეობის ზედამხედველობის სამსახურის დებულების დამტკიცების შესახებ“ ქედის მუნიციპალიტეტის საკრებულოს 2010 წლის 30 ნოემბრის №35 დადგენილებაში ცვლილებების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის შესაბამისად, ქედის მუნიციპალიტეტის საკრებულო ადგენს:

1. „ქედის მუნიციპალიტეტის გამგეობის ზედამხედველობის სამსახურის დებულების დამტკიცების შესახებ“ ქედის მუნიციპალიტეტის საკრებულოს 2010 წლის 30 ნოემბრის №35 დადგენილებაში (სსმ V, №65, 17.12.2010 წ., მუხ. 1957) შეტანილ იქნეს შემდეგი სახის ცვლილებები:

ა) დადგენილებით დამტკიცებული დებულების II თავის მე-2 მუხლის მე-2 პუნქტის ,,ნ“ ქვეპუნქტი ამოღებულ იქნეს;

ბ) დადგენილებით დამტკიცებული დებულების III თავის მე-3 მუხლის მე-2 პუნქტის ,,ა“ და ,,გ“ ქვეპუნქტები ამოღებულ იქნეს;

გ) დადგენილებით დამტკიცებული დებულების III თავის მე-3 მუხლის მე-2 პუნქტის ,,ე“ ქვეპუნქტი ჩამოყალიბდეს შემდეგი რედაქციით:

 ,,ე) აწარმოოს ახალი და სარეკონსტრუქციო, გარემოსდაცვითი და სხვა სამეურნეო ობიექტების (რომლებიც თავიანთი საწარმოო საქმიანობით ზემოქმედებენ გარემოზე) მშენებლობის და ექსპლუატაციაში მიღების დადგენილი ვადების შესრულებაზე, აგრეთვე მათი მშენებლობის პროექტებით და სახელმწიფო ექსპერტიზის დასკვნებით გათვალისწინებული გარემოსდაცვითი კანონმდებლობის მოთხოვნებიდან გამომდინარე ღონისძიებების შესრულებაზე კონტროლი;“;

დ) დადგენილებით დამტკიცებული დებულების IV თავის მე-4 მუხლის მე-2 პუნქტის ,,ლ“ ქვეპუნქტი ჩამოყალიბდეს შემდეგი რედაქციით:

,,ლ) საქართველოს ადმინისტრაციულ სამართალდარღვევათა კოდექსის 125-ე მუხლის მე-8 ნაწილის 119¹, 146,¹ 148, 150, 150,¹ 152, 153,⁴ 159, 159¹ მუხლებით გათვალისწინებულ ადმინისტრაციულ სამართალდარღვევებზე ადგენს ადმინისტრაციულ სამართალდარღვევათა ოქმს;“;

ე) დადგენილებით დამტკიცებული დებულების V თავის მე-5 მუხლის 2-პუნქტი ჩამოყალიბდეს შემდეგი რედაქციით:

,,2. სამსახურის ემბლემა შეიძლება გამოყენებულ იქნეს სამსახურეობრივი უფლებამოსილების დამადასტურებელ მოწმობებზე, სავიზიტო ბარათებზე, ბეჭდვით გამოცემებზე, სპეცტრანსპორტზე, უნიფორმაზე.“.

2. ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე                     ბ. დიასამიძე