დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საქართველოს პარლამენტის არჩევნების შესახებ” საქართველოს რესპუბლიკის კანონში ცვლილებებისა და დამატების შეტანის თაობაზე | |
---|---|
დოკუმენტის ნომერი | 965 |
დოკუმენტის მიმღები | საქართველოს პარლამენტი |
მიღების თარიღი | 11/11/1997 |
დოკუმენტის ტიპი | საქართველოს ორგანული კანონი |
გამოქვეყნების წყარო, თარიღი | პარლამენტის უწყებანი, 44, 11/11/1997 |
ძალის დაკარგვის თარიღი | 22/08/2001 |
სარეგისტრაციო კოდი | 000000000.00.000.000000 |
საქართველოს ორგანული კანონი
„საქართველოს პარლამენტის არჩევნების შესახებ” საქართველოს რესპუბლიკის კანონში ცვლილებებისა და დამატების შეტანის თაობაზე
საქართველოს პარლამენტი ადგენს:
I. ,,საქართველოს პარლამენტის არჩევნების შესახებ” საქართველოს რესპუბლიკის 1995 წლის 1 სექტემბრის კანონში (საქართველოს პარლამენტის უწყებები, 1995 წ. №№31-33, მუხ. 671) შეტანილ იქნეს შემდეგი ცვლილებები და დამატება:
1. კანონის სათაურში სიტყვა ,,რესპუბლიკის” შეიცვალოს სიტყვით ,,ორგანული”.
2. მე-9 მუხლის მე-3 პუნქტი ჩამოყალიბდეს შემდეგი რედაქციით:
,,3. პარლამენტის ახალარჩეული წევრი ვალდებულია საქართველოს ცენტრალური საარჩევნო კომისიის მიერ არჩეულად ცნობის მომენტიდან პარლამენტის მიერ უფლებამოსილების დადასტურების მომენტამდე შეწყვიტოს ამ მუხლით აკრძალული სამსახური და განთავისუფლდეს ადრე დაკავებული თანამდებობიდან”; ამავე მუხლს დაემატოს შემდეგი შინაარსის მე-5 პუნქტი:
,,5. პარლამენტის იმ ახალარჩეული წევრის სახელი და გვარი, რომელიც დაარღვევს საარჩევნო კანონმდებლობას, არ შეიტანება პარლამენტისათვის წევრთა უფლებამოსილების დასადასტურებლად წარდგენილ ერთიან სიაში”; ამასთან, მე-5 პუნქტი ჩაითვალოს მე-6 პუნქტად და სიტყვების ,,გასვლის ან” შემდეგ დაემატოს სიტყვები ,,პირადი განცხადების საფუძველზე”.
3. 58-ე მუხლის პირველ და მე-2 პუნქტებში სიტყვები ,,მმართველობის ადგილობრივი” შეიცვალოს სიტყვებით ,,ადგილობრივი თვითმმართველობის და მმართველობის”.
II. დადასტურებულ იქნეს ,,საქართველოს პარლამენტის არჩევნების შესახებ” საქართველოს კანონის, როგორც ორგანული კანონის მართლზომიერება.
III. ეს კანონი ამოქმედდეს გამოქვეყნებისთანავე.
საქართველოს პრეზიდენტი ე. შევარდნაძე
თბილისი,
1997 წლის 17 ოქტომბერი.
№965–Iს
დოკუმენტის კომენტარები