ყვარლის მუნიციპალიტეტის საკუთრებაში არსებული შენობა–ნაგებობების სარგებლობის უფლებით გადაცემისას საწყისი წლიური ქირის ოდენობის გამოთვლის წესის დამტკიცების შესახებ

ყვარლის მუნიციპალიტეტის საკრებულოს

დადგენილება №5

2011 წლის 25 თებერვალი

ქ. ყვარელი

ყვარლის მუნიციპალიტეტის საკუთრებაში არსებული შენობა-ნაგებობების სარგებლობის უფლებით გადაცემისას საწყისი წლიური ქირის ოდენობის გამოთვლის წესის დამტკიცების შესახებ

 ,,ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის ,,ქ“ ქვეპუნქტის საფუძველზე:

    მუხლი 1

დამტკიცდეს ყვარლის მუნიციპალიტეტის საკუთრებაში არსებული შენობა-ნაგებობების სარგებლობის უფლებით გადაცემისას საწყისი წლიური ქირის ოდენობის გამოთვლის წესი თანდართული დანართის სახით.

    მუხლი 2

 დადგენილება ძალაშია გამოქვეყნებისთანავე.

საკრებულოს თავმჯდომარე ბ. ზანდარაშვილი

 დანართი

ყვარლის მუნიციპალიტეტის საკუთრებაში არსებული შენობა-ნაგებობების სარგებლობის უფლებით გადაცემისას საწყისი წლიური ქირის ოდენობის გამოთვლის წესი

ზოგადი ნაწილი

    მუხლი 1

შენობა-ნაგებობების სასყიდლიანი უზუფრუქტის, ქირავნობის, იჯარის ფორმით გადაცემისას საწყისი წლიური ქირის ოდენობა განისაზღვრება ამ წესის შესაბამისად.

    მუხლი 2

შენობა-ნაგებობების საწყისი წლიური ქირის ოდენობა განისაზღვრება მუნიციპალიტეტის საკრებულოს დადგენილებით.

 მუხლი 3. მუნიციპალიტეტის საკუთრებაში არსებული შენობა-ნაგებობების წლიური ქირის ოდენობის განსაზღვრა

 მუნიციპალიტეტის საკუთრებაში არსებული შენობა-ნაგებობების წლიური ქირის ოდენობის გაანგარიშების საფუძველია ყველა სახის უძრავი ქონების ფართობი, მდებარეობა, შენობა-ნაგებობის მახასიათებელი (მდგომარეობა), დაკავებული მიწის ფართობი.

3.1 მუნიციპალიტეტის საკუთრებაში არსებული შენობა-ნაგებობების წლიური ქირის ოდენობა გაიანგარიშება ფორმულით: ქ(წ) = (მნ + ქფ X ITL X LMg) X 0,2

3.2 სადაც: ქ(წ) – არის მუნიციპალიტეტის საკუთრებაში არსებული შენობა-ნაგებობების წლიური ქირის ოდენობა.

3.3 მნ – არის მიწის ნორმატიული ფასი და შეადგენს:

ა) ქ. ყვარლის ცენტრალური ზონისათვის – 3,994 ლარს;

ბ) შუალედური ზონისათვის – 3,072 ლარს;

გ) პერიფერიული ზონისათვის – 2,458 ლარს;

დ) მუნიციპალიტეტის სოფლებისათვის – 1,843 ლარს.

3.4 ქფ – არის მუნიციპალიტეტის ქონების საწყისი ფასი, რომელსაც განსაზღვრავს აუდიტი ან საბალანსო ღირებულება:

3.5 ITL – არის მუნიციპალიტეტის ლოკალური ტერიტორიული ინდექსი და შეადგენს:

ა) ქ. ყვარლის ცენტრალური ზონისათვის – 1,3-ს;

ბ) შუალედური ზონისათვის – 1-ს;

გ) პერიფერიული ზონისათვის – 0,8-ს;

დ) მუნიციპალიტეტის სოფლებისათვის – 0,6;

ე)LMg – არის მუნიციპალიტეტის მაკრომდებარეობის ინდექსი და შეადგენს – 0,32-ს.