ქვეყნის ძირითადი მონაცემებისა და მიმართულებების დოკუმენტის შედგენის მიზნით განსახორციელებელ ღონისძიებათა შესახებ

საქართველოს მთავრობის

დადგენილება №108

2011 წლის 1 მარტი

ქ. თბილისი

ქვეყნის ძირითადი მონაცემებისა და მიმართულებების დოკუმენტის შედგენის მიზნით განსახორციელებელ ღონისძიებათა შესახებ

საქართველოს საბიუჯეტო კოდექსის 34-ე მუხლის მე-3 ნაწილის შესაბამისად დაევალოთ საქართველოს სამინის­ტროებს და სახელმწიფო მინისტრების აპა­რატებს, ეთხოვოთ უწყებებს (საქართველოს იუსტიციის უმა­ღ­ლესი საბჭო, სა­ქართველოს კონტროლის პალატა, საქარ­თვე­ლოს სახალხო დამცველის აპარატი, სსიპ – საქარ­თვე­ლოს სტატისტიკის ეროვნული სამსახური – საქსტატი), ავ­ტო­ნომიური რესპუბ­ლი­კე­ბისა და ადგილობრივი თვით­მმარ­თველი ერთეულების შესაბამის აღმასრულებელ ორგა­ნოებს:

მუხლი 1. საქართველოს სამინისტროებმა, სახელმწიფო მინისტრების აპარატებმა და უწყებებმა:

ა) 2011 წლის 18 მარტამდე მოამზადონ და საქართველოს ფინანსთა სამინისტროს წარუდგინონ საშუალოვადიანი სა­მოქმედო გეგმის 2009-2010 წლების შეფასება და ინფორმაცია 2011 წლის სამოქმედო გეგმის შესახებ შესაბამისად №1 და №2 დანართების მიხედვით;

 ბ) 2011 წლის 15 აპრილამდე მოამზადონ და საქართვე­ლოს ფინანსთა სამინისტროს წარუდგინონ ინფორმაცია სა­შუ­ალოვადიანი სამოქმედო გეგმის შესახებ და პრიორი­ტეტების საშუალოვადიანი ბიუჯეტი, შესაბამისად №3 და №4 დანართების მიხედვით.

მუხლი 2. სახელმწიფო ბიუჯეტის დაფინანსებაზე მყოფ­მა მხარჯავმა დაწესებულებებმა (გარდა საქართველოს პარ­ლა­მენტისა და საქართველოს კონტროლის პალატისა) სა­ქარ­თველოს ფინანსთა სამინისტროს 2011 წლის 6 მაისამდე წარუდგინონ ინფორმაცია დასაქმებულთა საორიენტაციო რიცხოვნობისა და ასიგნებების საორიენტაციო ზღვრული მოცულობის შესახებ №5 დანართის შესაბამისად.

მუხლი 3. საქართველოს ფინანსთა სამინისტრომ 2011 წლის 20 მაისამდე საქართველოს მთავრობის სხდომაზე განსახილველად წარმოადგინოს ძირითადი მაკროეკონო­მი­კური პროგნოზებისა და საქართველოს სამინისტროების, სა­ხელმწიფო მინისტრების აპარატებისა და უწყებების საშუა­ლოვადიანი პრიორიტეტების პირველადი ვარიანტი.

მუხლი 4. საქართველოს სამინისტროებმა საქართველოს საბიუჯეტო კოდექსის 34-ე მუხლის მე-4 ნაწილის შესაბა­მი­სად დამტკიცებული თავიანთი საშუალოვადიანი სამოქმედო გეგმები საქართველოს ფინანსთა სამინისტროში წარადგი­ნონ 2011 წლის 1 ივლისამდე.

მუხლი 5. საქართველოს ფინანსთა სამინისტრომ საქარ­თველოს საბიუჯეტო კოდექსის 34-ე მუხლის მე-6 ნაწილის მოთხოვნების უზრუნველყოფის მიზნით საქართველოს მთავ­რობას წარმოუდგინოს ქვეყნის ძირითადი მონაცემებისა და მიმართულებების დოკუმენტის პირველადი ვარიანტი.

მუხლი 6. ავტონომიური რესპუბლიკის შესაბამისმა აღ­მასრულებელმა ორგანოებმა 2011 წლის 1 აგვისტომდე სა­ქარ­თველოს ფინანსთა სამინისტროს წარუდგინონ ინფორ­მაცია საშუალოვადიანი სამოქმედო გეგმის შესახებ და პრი­ორიტეტების საშუალოვადიანი ბიუჯეტი, შესაბამისად №3 და №4 დანართების მიხედვით.

მუხლი 7. ადგილობრივი თვითმმართველობის აღმასრუ­ლე­ბელმა ორგანოებმა (გარდა ავტონომიური რესპუბლიკის შემადგენლობაში შემავალი ადგილობრივი თვითმმართველი ერთეულისა) ადმინისტრაციულ-ტერიტორიულ ერთეულებში სახელმწიფო რწმუნებულებთან – გუბერნატორებთან შეთან­ხმებით საქართველოს ფინანსთა სამინისტროს 2011 წლის 15 ნოემბრამდე წარუდგინონ ინფორმაცია საშუალოვადიანი სა­მო­ქმედო გეგმის შესახებ და პრიორიტეტების საშუალო­ვა­დიანი ბიუჯეტი, შესაბამისად №3 და №4 დანართების მი­ხედ­ვით.

მუხლი 8. ამ დადგენილების შესრულების კონტროლი და კოორდინაცია განახორციელოს საქართველოს ფინანსთა სამინისტრომ.

მუხლი 9. საქართველოს ზოგადი ადმინისტრაციული კოდექსის 61-ე მუხლის შესაბამისად ძალადაკარგულად გა­მო­ცხადდეს „ქვეყნის ძირითადი მონაცემებისა და მიმარ­თუ­ლებების დოკუმენტის შედგენის მიზნით განსახორ­ციე­ლე­ბელ ღონისძიებათა შესახებ“ საქართველოს მთავრობის 2010 წლის 23 თებერვლის №52 დადგენილება.

მუხლი 10. დადგენილება ამოქმედდეს გამოქვეყნების­თა­ნავე.

პრემიერ-მინისტრი ნ. გილაური

 დანართი №1

საშუალოვადიანი სამოქმედო გეგმის 2009-2010 წლების შეფასება

_____________________________________________________________________

(დასახელება)

*შენიშვნა: იმ შემთხვევაში, თუ შეუძლებელია მიღწეული შედეგების აღწერა ცალკეული ღონისძიებების ან პროგრამების მიხედვით, იგი მოტანილ უნდა იქნეს მთლიანი პრიორიტეტის მასშტაბით.

 დანართი №2

ინფორმაცია 2011 წლის სამოქმედო გეგმის შესახებ

_______________________________________________________________________________

(დასახელება)

*შენიშვნა: იმ შემთხვევაში, თუ შეუძლებელია მიღწეული შედეგების აღწერა ცალკეული ღონისძიებების ან პროგრამების მიხედვით, იგი მოტანილ უნდა იქნეს მთლიანი პრიორიტეტის მასშტაბით.

 დანართი №3

საშუალოვადიანი სამოქმედო გეგმა (2012-2015 წ.წ.)

________________________________________________________________________________

________________________________________________________________________________

(დასახელება)

პრიორიტეტის დასახელება -------------------------------------------------------------------------------

-----------------------------------------------------------------------------------------------------------------

განხორციელების სავარაუდო ვადები ---------------------------------------------------------------------------------------------------------------------------------------------------------------------------------------

პრიორიტეტის დასაბუთება, არსებული სიტუაციიდან გამომდინარე-----------------------------------------------------------------------------------------------------------------------------------------------------------------------------------------------------------------------------------------------------------------------

პრიორიტეტის მოკლე აღწერა --------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

მოსალოდნელი შედეგები ---------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

შედეგების შეფასების კრიტერიუმები-------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

-----------------------------------------------------------------------------------------------------------------

 დანართი №4

პრიორიტეტების საშუალოვადიანი ბიუჯეტი

----------------------------------------------------------------------------------------------------------- (დასახელება)

*შენიშვნა: ადგილობრივი თვითმმართველობის შესაბამისმა აღმასრულებელმა ორგანოებმა სახელმწიფო ბიუჯეტის სახსრებში არ გაითვალისწინონ გათანაბრებითი ტრანსფერით მიღებული თანხები.

 დანართი №5

ინფორმაცია დასაქმებულთა საორიენტაციო რიცხოვნობისა და ასიგნებების საორიენტაციო ზღვრული მოცულობის შესახებ

2012-2015 წლებისათვის

*შენიშვნა: იმ შემთხვევაში, თუ არსებობს სხვაობა 2011 წლის მაჩვენებელთან, უნდა იყოს წარმოდგენილი დასაბუთება ამ სხვაობასთან დაკავშირებით.

**შენიშვნა: ასიგნებების ზღვრულ მოცულობებში გათვალისწინებული არ უნდა იყოს უცხოეთიდან მიღებული დაფინანსების წყაროებითა და გრანტებით განსახორციელებელი საინვესტიციო პროექტები და ამ პროექტებში თანამონაწილეობის სახსრები.