დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | ადგილობრივი (ქონების) გადასახადის შემოღებისა და მისი განაკვეთების განსაზღვრის შესახებ | |
|---|---|
| დოკუმენტის ნომერი | 8 |
| დოკუმენტის მიმღები | დუშეთის მუნიციპალიტეტი |
| მიღების თარიღი | 28/02/2011 |
| დოკუმენტის ტიპი | მუნიციპალიტეტისა და თვითმმართველი ქალაქის საკრებულოს დადგენილება |
| გამოქვეყნების წყარო, თარიღი | ვებგვერდი, 110301019, 15/03/2011 |
| ძალის დაკარგვის თარიღი | 04/04/2011 |
| სარეგისტრაციო კოდი | 200230000.35.152.016035 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (15/03/2011 - 30/03/2011)
დუშეთის მუნიციპალიტეტის საკრებულოს
დ ა დ გ ე ნ ი ლ ე ბ ა №8
2011 წლის 28 თებერვალი
ქ. დუშეთი
ადგილობრივი (ქონების) გადასახადის შემოღებისა და მისი განაკვეთების განსაზღვრის შესახებ
„ადგილობრივი თვითმმართველობის შესახებ“ საქართველოს ორგანული კანონის 43-ე მუხლის პირველი და მე-2 პუნქტების, 22-ე მუხლის პირველი პუნქტის „მ” ქვეპუნქტის, „საქართველოს საგადასახადო კოდექსის” მე-7 მუხლის პირველი ნაწილის, „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ” ქვეპუნქტის და „სასოფლო-სამეურნეო დანიშნულების მიწაზე ქონების გადასახადის წლიური საბაზისო განაკვეთების დამტკიცების თაობაზე” საქართველოს მთავრობის 2010 წლის 23 დეკემბრის №394 დადგენილების შესაბამისად:
1. შემოღებულ იქნეს დუშეთის მუნიციპალიტეტის ტერიტორიაზე ადგილობრივი გადასახადი და მისი განაკვეთები განისაზღვროს დანართი №1-ის შესაბამისად.
2. ძალადაკარგულად გამოცხადდეს დუშეთის მუნიციპალიტეტის ტერიტორიაზე ქონების გადასახადის შემოღებისა და განაკვეთების განსაზღვრის შესახებ” დუშეთის მუნიციპალიტეტის საკრებულოს 2007 წლის 27 მარტის №32 დადგენილება.
3. ეს დადგენილება ამოქმედდეს გამოქვეყნებისთანავე და მისი მოქმედება გავრცელდეს 2011 წლის 1 იანვრიდან წარმოშობილ საგადასახადო ურთიერთობებზე.
საკრებულოს თავმჯდომარე ც. საძაგლიშვილი
დანართი №1
ადგილობრივი (ქონების) გადასახადის განაკვეთები
მუხლი 1
საწარმოსთვის/ორგანიზაციისთვის ქონების გადასახადის წლიური განაკვეთია დასაბეგრი ქონების ღირებულების 1 პროცენტი. ამ მუხლის მიზნებისათვის დასაბეგრი ქონების ღირებულება არის საშუალო წლიური საბალანსო ნარჩენი ღირებულება, რომელიც ქვემოთ ჩამოთვლილ შემთხვევაში უნდა გაიზარდოს:
ა) 2000 წლამდე მიღებულ აქტივებზე – 3-ჯერ;
ბ) 2000 წლიდან 2004 წლამდე მიღებულ აქტივებზე – 2-ჯერ;
გ) 2004 წელს მიღებულ აქტივებზე – 1,5-ჯერ;
დ) იმ აქტივებზე, რომელთა მიღების შესახებ ინფორმაცია არ არსებობს – 3-ჯერ.
მუხლი 2
საწარმოსათვის/ორგანიზაციისთვის ლიზინგით გადაცემულ დასაბეგრ ქონებაზე გადასახადის წლიური განაკვეთია დასაბეგრი ქონების საშუალო წლიური საბალანსო ნარჩენი ღირებულების 1 პროცენტი.
მუხლი 3
ფიზიკური პირის დასაბეგრ ქონებაზე გადასახადის წლიური განაკვეთებია:
ა) 100000 ლარამდე შემოსავლის მქონე ოჯახებისთვის – საგადასახადო პერიოდის ბოლოსთვის დასაბეგრი ქონების საბაზისო ღირებულების 0,2 პროცენტი;
ბ) 100000 ლარის ან მეტი შემოსავლის მქონე ოჯახებისთვის – საგადასახადო პერიოდის ბოლოსთვის დასაბეგრი ქონების საბაზისო ღირებულების 0,8 პროცენტი.
მუხლი 4
სასოფლო-სამეურნეო დანიშნულების მიწაზე (გარდა მე-5 მუხლით გათვალისწინებული მიწებისა) ქონების გადასახადის წლიური განაკვეთებია:
| № | მიწის კატეგორიები | გადასახადის განაკვეთები ლარი/ჰა | |
| კარგ მიწაზე | მწირ მიწაზე | ||
| 1 | სახნავ მიწებზე | 61 | 54 |
| 2 | მრავალწლიანი ნარგავებით დაკავებულ მიწებზე | 61 | 54 |
| 3 | საკარმიდამო, საბაღე, საბოსტნე და სააგარაკე ნაკვეთებზე | 61 | 54 |
მუხლი 5
სათიბებისა და საძოვრების ერთ ჰექტარზე ქონების გადასახადის წლიური განაკვეთებია:
ა) საძოვრებზე (გარდა გაკულტურებული საძოვრებისა) – 1,5 ლარი;
ბ)სათიბებზე (გარდა გაკულტურებული სათიბებისა) – 2,5 ლარი;
გ) გაკულტურებულ საძოვრებზე – 10 ლარი;
დ) გაკულტურებულ სათიბებზე – 16 ლარი.
მუხლი 6
ბუნებრივი რესურსებით მოსარგებლე პირისთვის შესაბამისი ლიცენზიის გაცემის საფუძველზე გამოყოფილი მიწების ერთ ჰექტარზე ქონების გადასახადის წლიური განაკვეთია 3 ლარი.
მუხლი 7
არასასოფლო-სამეურნეო დანიშნულების მიწაზე ქონების ერთ კვადრტალურ მეტრზე წლიური გადასახადის განაკვეთებია:
| № | ტერიტორია | საბაზი-სო განაკვე-თი (ლარი) | ტერიტო-რიული კოეფიციენტი | გადასახადის განაკვეთი (ლარი) |
| 1 | დუშეთის მუნიციპალიტეტის ტერიტორიაზე მდებარე კურორტების, საკურორტო ადგილების, სამთო-სათხილამურო ცენტრებისა და სარეკრიაციო ტერიტორიის სტატუსის მქონე ტერიტორიები | 0,24 | 1,5 | 0,36 |
| 2 | ქ. დუშეთში, დაბა ფასანაურის, დაბა ჟინვალის, მცხეთა-ყაზბეგი-ლარსის საავტომობილო გზის გასწვრივ გზის ღერძულა ხაზიდან (ორივე მხარეს) 5 50მ რადიუსში მდებარე არეალში | 0,24 | 1 | 0,24 |
| 3 | დუშეთის მუნიციპალიტეტის დანარჩენი ტერიტორიები | 0,24 | 0,8 | 0,192 |
მუხლი 8
საქართველოს საგადასახადო კოდექსის 206-ე მუხლის პირველი პუნქტის „გ“ ქვეპუნქტიდან გამომდინარე, შესაბამისი დასაბეგრი ობიექტის მიხედვით, ქონების გადასახადიდან გათავისუფლდეს:
ა) საცხოვრებელ სახლზე მიმაგრებული მიწის ნაკვეთები, რომლის ფართობები არ აღემატება 600 კვ.მ;
ბ) ავტოფარეხებზე მიმაგრებული მიწის ნაკვეთები, რომელთა ფართობები არ აღემატება 24 კვ.მ.
მუხლი 9
ქონების გადასახადის გამოანგარიშებისა და გადახდის წესი, შესაბამისი დაბეგვრის ობიექტის მიხედვით ქონების გადასახადისგან გათავისუფლებული ქონების სახეები დადგენილია საქართველოს საგადასახადო კოდექსის 205-ე და 206-ე მუხლებით.
დოკუმენტის კომენტარები