დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საქართველოს მთავრობის კანცელარიის შექმნის შესახებ” საქართველოს მთავრობის 2004 წლის 3 მარტის №2 დადგენილებით დამტკიცებულ საქართველოს მთავრობის კანცელარიის დებულებაში ცვლილებებისა და დამატებების შეტანის შესახებ” | |
---|---|
დოკუმენტის ნომერი | 16 |
დოკუმენტის მიმღები | საქართველოს მთავრობა |
მიღების თარიღი | 13/04/2004 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | სსმ, 41, 20/04/2004 |
ძალის დაკარგვის თარიღი | 06/07/2012 |
სარეგისტრაციო კოდი | 010.220.000.10.003.000.016 |
საქართველოს მთავრობის
დადგენილება №16
2004 წლის 13 აპრილი
ქ. თბილისი
„საქართველოს მთავრობის კანცელარიის შექმნის შესახებ“ საქართველოს მთავრობის 2004 წლის 3 მარტის №2 დადგენილებით დამტკიცებულ საქართველოს მთავრობის კანცელარიის დებულებაში ცვლილებებისა და დამატებების შეტანის შესახებ
საქართველოს მთავრობაში სახელმწიფო მინისტრის თანამდებობის შემოღების, სახელმწიფო მინისტრის აპარატის შექმნისა და სხვა ცვლილებებთან დაკავშირებით:
1. შეტანილ იქნეს ცვლილებები და დამატებები „საქართველოს მთავრობის კანცელარიის შექმნის შესახებ“ საქართველოს მთავრობის 2004 წლის 3 მარტის №2 დადგენილებით დამტკიცებულ საქართველოს მთავრობის კანცელარიის დებულებაში და დებულების მე-3 მუხლი ჩამოყალიბდეს შემდეგი რედაქციით:
„მუხლი 3. საქართველოს მთავრობის კანცელარიის სტრუქტურა და შემადგენლობა
მთავრობის კანცელარიის სტრუქტურული ერთეულებია:
ა) საქართველოს პრემიერ-მინისტრის აპარატი;
ბ) კონფლიქტის მოგვარების საკითხებში სახელმწიფო მინისტრის აპარატი;
გ) ეროვნული თანხმობის საკითხებში სახელმწიფო მინისტრის აპარატი;
დ) ევროინტეგრაციის საკითხებში სახელმწიფო მინისტრის აპარატი;
ე) მცირე და საშუალო ბიზნესის ხელშეწყობის საკითხებში სახელმწიფო მინისტრის აპარატი;
ვ) რეგიონული პოლიტიკისა და ადგილობრივი თვითმმართველობისა და მმართველობის ორგანოებთან ურთიერთობის საკითხებში სახელმწიფო მინისტრის აპარატი;
ზ) განვითარებისა და რეფორმების დეპარტამენტი;
თ) საგარეო ურთიერთობების დეპარტამენტი;
ი) საინფორმაციო უზრუნველყოფის დეპარტამენტი;
კ) საზოგადოებასთან ურთიერთობის დეპარტამენტი;
ლ) იურიდიული დეპარტამენტი;
მ) საორგანიზაციო დეპარტამენტი;
ნ) საქმისწარმოების დეპარტამენტი;
ო) კონტროლის დეპარტამენტი;
პ) საფინანსო-სამეურნეო დეპარტამენტი;
ჟ) მთავრობის კანცელარიის უფროსის სამდივნო.
სახელმწიფო მინისტრის აპარატი არის სახელმწიფო მინისტრისადმი დაქვემდებარებული დამოუკიდებელი სტრუქტურული ერთეული, რომლის საქმიანობის იურიდიულ, ტექნიკურ და საბუღალტრო მომსახურებას უზრუნველყოფს მთავრობის კანცელარიის აპარატი“.
2. დებულების მე-4 მუხლის „გ და „დ ქვეპუნქტები ჩამოყალიბდეს შემდეგი რედაქციით:
„გ) საქართველოს პრემიერ-მინისტრს თანამდებობაზე დასანიშნად წარუდგენს მთავრობის კანცელარიის უფროსის მოადგილეებს, სტრუქტურული ერთეულების ხელმძღვანელებისა და პრემიერ-მინისტრის თანაშემწეების კანდიდატურებს, გარდა სახელმწიფო მინისტრის აპარატის სტრუქტურული ერთეულების ხელმძღვანელებისა და სხვა მოსამსახურეთა კანდიდატურებისა, რომელთა თანამდებობაზე დანიშვნა და თანამდებობიდან განთავისუფლება განეკუთვნება სახელმწიფო მინისტრის კომპეტენციას;
დ) თანამდებობაზე ნიშნავს და თანამდებობიდან ათავისუფლებს მთავრობის კანცელარიის საშტატო ნუსხით გათვალისწინებულ მოსამსახურეებს, გარდა საქართველოს პრემიერ-მინისტრისა და სახელმწიფო მინისტრის კომპეტენციას მიკუთვნებულ თანამდებობის პირებისა.“
3. დებულების მე-5 მუხლის პირველი პუნქტი ჩამოყალიბდეს შემდეგი რედაქციით:
„1. მთავრობის კანცელარიის სტრუქტურული ერთეულების ხელმძღვანელებს, გარდა სახელმწიფო მინისტრის აპარატის სტრუქტურული ერთეულების ხელმძღვანელებისა, კანცელარიის უფროსის წარდგინებით თანამდებობაზე ნიშნავს და თანამდებობიდან ათავისუფლებს საქართველოს პრემიერ-მინისტრი.“.
პრემიერ-მინისტრი ზ. ჟვანია
დოკუმენტის კომენტარები