ერთობლივი კომუნიკე საქართველოსა და ბოტსვანას რესპუბლიკას შორის დიპლომატიური ურთიერთობების დამყარების თაობაზე

ერთობლივი კომუნიკე

საქართველოსა და ბოტსვანას რესპუბლიკას შორის დიპლომატიური ურთიერთობების დამყარების თაობაზე

საქართველოს მთავრობა და ბოტსვანას რესპუბლიკის მთავრობა,

სურთ რა, ხელი შეუწყონ ორ ქვეყანას შორის ურთიერთგაგების, მეგობრობისა და თანამშრომლობის განმტკიცებას,

ხელმძღვანელობენ რა, იმ პრინციპებითა და მიზნებით, რომლებიც განმტკიცებულია გაერთიანებული ერების ორგანიზაციიის წესდებაში და საერთაშორისო სამართალში, კერძოდ კი საერთაშორისო მშვიდობისა და უსაფრთხოების, სახელმწიფო სუვერენიტეტის, სახელმწიფოთა შორის თანასწორობის, დამოუკიდებლობის, საერთაშორისო ხელშეკრულებების, ტერიტორიული მთლიანობისა და სხვა სახელმწიფოთა შიდა საქმეებში ჩაურევლობის ხელშეწყობის თვალსაზრისით;

გადაწყვიტეს დაემყარებინათ დიპლომატიური ურთიერთობები ელჩების დონეზე, 1961 წლის 18 აპრილის დიპლომატიური ურთიერთობების შესახებ ვენის კონვენციის დებულებათა შესაბამისად, წინამდებარე ერთობლივი კომუნიკეს ხელმოწერის დღიდან;

აღნიშნულის დასტურად, ხელის მომწერმა წარმომადგენელებმა, რომლებიც არიან სათანადოდ აღჭურვილნი უფლებამოსილებით თავიანთი მთავრობების მიერ, ხელი მოაწერეს აღნიშნულ კომუნიკეს ქართულ და ინგლისურ ენებზე.

შესრულებულია ქ. ნიუ-იორკში, 2010 წლის 15 იანვარს.