„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში დამატების შეტანის თაობაზე

საქართველოს პრეზიდენტის

ბრძანებულება №112

2011 წლის 25 თებერვალი

ქ. თბილისი

„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში დამატების შეტანის თაობაზე

1. „ნორმატიული აქტების შესახებ“ საქართველოს კანონის მე-20 მუხლის შესაბამისად, „საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში (სსმ III, 2001 წ., №78, მუხ. 555) შეტანილ იქნეს დამატება და ბრძანებულების პირველი პუნქტით დამტკიცებულ საჯარო სამსახურის თანამდებობათა რეესტრს დაემატოს შემდეგი შინაარსის VIII³ თავი:

„თავი VIII³

საქართველოს საგარეო საქმეთა სამინისტროს საჯარო (ადმინისტრაციულ-ტექნიკური) თანამდებობები

    მუხლი 30⁹. წამყვანი საჯარო თანამდებობა

ა) სამინისტროს შიდა აუდიტის სამსახურის უფროსი;

ბ) სამინისტროს შიდა აუდიტის სამსახურის უფროსის მოადგილე.

    მუხლი 30¹⁰. უფროსი საჯარო თანამდებობა

ა) სამინისტროს დეპარტამენტში შემავალი სამსახურის უფროსი;

ბ) სამინისტროს დეპარტამენტში შემავალი სამსახურის უფროსის მოადგილე;

გ)სამინისტროს დეპარტამენტში შემავალი სამსახურის განყოფილების უფროსი.

    მუხლი 30¹¹. უმცროსი საჯარო თანამდებობა

ა) მთავარი კონსულტანტი;

ბ) კონსულტანტი;

გ) იურისკონსულტი;

დ) მთავარი ეკონომისტი;

ე) ბუღალტერი;

ვ) მთავარი სპეციალისტი;

ზ) ფინანსური მენეჯერი;

თ) შესყიდვების მენეჯერი;

ი) ტრანსპორტის მენეჯერი;

კ) არქივარიუსი;

ლ) რეფერენტი.“.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი