,,გეოგრაფიული ობიექტების სახელწოდებათა დადგენის, ნორმალიზების, გამოყენების, აღრიცხვისა და დაცვის სამთავრობო კომისიის დებულების დამტკიცების შესახებ“ საქართველოს პრეზიდენტის 2003 წლის 16 იანვრის №13 ბრძანებულებაში ცვლილებებისა და დამატებების შეტანის თაობაზე

საქართველოს პრეზიდენტის

ბრძანებულება №110

2011 წლის 24 თებერვალი

ქ. თბილისი

,,გეოგრაფიული ობიექტების სახელწოდებათა დადგენის, ნორმალიზების, გამოყენების, აღრიცხვისა და დაცვის სამთავრობო კომისიის დებულების დამტკიცების შესახებ“ საქართველოს პრეზიდენტის 2003 წლის  16 იანვრის №13 ბრძანებულებაში ცვლილებებისა და დამატებების შეტანის თაობაზე

1. ,,ნორმატიული აქტების შესახებ“ საქართველოს კანონის მე-20 მუხლის შესაბამისად, ,,გეოგრაფიული ობიექტების სახელწოდებათა დადგენის, ნორმალიზების, გამოყენების, აღრიცხვისა და დაცვის სამთავრობო კომისიის დებულების დამტკიცების შესახებ“ საქართველოს პრეზიდენტის 2003 წლის 16 იანვრის №13 ბრძანებულებით (სსმ III, 2003 წ., №6, მუხ. 54) დამტკიცებულ დებულებაში შეტანილ იქნეს შემდეგი ცვლილებები და დამატებები:

ა) მე-5 მუხლის:

ა.ა) პირველი აბზაცი ჩამოყალიბდეს შემდეგი რედაქციით:

,,კომისია თავისი ამოცანებისა და საქმიანობის ძირითადი მიმართულებების შესაბამისად უფლებამოსილია:“;

ა.ბ) ,,გ“ ქვეპუნქტის შემდეგ დაემატოს შემდეგი შინაარსის ,,გ¹“, ,,გ²“ და ,,გ³“ ქვეპუნქტები:

,,გ¹) გასცეს დასკვნა საქართველოს სახელმწიფო დაწესებულებების მიერ საერთაშორისო ორგანიზაციებში გასაგზავნი საქართველოს გეოგრაფიული ობიექტების ტრანსლიტერირებულ სახელწოდებათა გეოგრაფიული ობიექტების ტრანსლიტერაციის წესთან შესაბამისობის შესახებ;

,,გ²) ითანამშრომლოს შესაბამის ადგილობრივ და საერთაშორისო ორგანიზაციებთან;

,,გ³) მოიწვიოს ექსპერტები და შექმნას სამუშაო ჯგუფები კომისიის კომპეტენციაში შემავალი საკითხების შესწავლისა და სათანადო დასკვნებისა და რეკომენდაციების შემუშავების მიზნით;“;

ბ) მე-8 მუხლის მე-5 პუნქტი ჩამოყალიბდეს შემდეგი რედაქციით:

,,5. კომისიის საქმიანობის ორგანიზაციულ, საფინანსო და მატერიალურ-ტექნიკურ უზრუნველყოფას ახორციელებს საქართველოს რეგიონული განვითარებისა და ინფრასტრუქტურის სამინისტრო.“;

გ) მე-9 მუხლის მე-4 პუნქტი ჩამოყალიბდეს შემდეგი რედაქციით:

,,4. სხდომა უფლებამოსილია, თუ მას ესწრება კომისიის წევრთა უმრავლესობა.“.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი