შეთანხმება საქართველოს მთავრობასა და ჩინეთის სახალხო რესპუბლიკის მთავრობას შორის ტექნიკური და ეკონომიკური თანამშრომლობის შესახებ

შეთანხმება

საქართველოს მთავრობასა და ჩინეთის სახალხო რესპუბლიკის მთავრობასა და საქართველოს მთავრობას შორის ტექნიკური და ეკონომიკური თანამშრომლობის შესახებ

ჩინეთის სახალხო რესპუბლიკის მთავრობა და საქართველოს მთავრობა (საქართველოს აღმასრულებელი ხელისუფლება), ორ ქვეყანას შორის მეგობრული ურთიერთობებისა და ეკონომიკურ-ტექნიკური თანამშრომლობის შემდგომი განვითარების მიზნით, შეთანხმდნენ შემდეგზე:

    მუხლი 1

საქართველოს მთავრობის საჭიროების შესაბამისად, ჩინეთის სახალხო რესპუბლიკის მთავრობა თანახმაა გამოუყოს საქართველოს მთავრობას უსასყიდლო დახმარება 20 მილიონი Renminbi იუანის ოდენობით (მხოლოდ ოცი მილიონი RMB იუანის ოდენობით).

    მუხლი 2

ზემოაღნიშნული უსასყიდლო დახმარება  გამოყენებული უნდა იყოს ორი ქვეყნის მთავრობას  შორის შეთანხმებული ეკონომიკურ-ტექნიკური პროექტების განსახორციელებლად, რომელთა კონკრეტული საკითხები განხილული და შეთანხმებული იქნება მხარეების მიერ.

    მუხლი 3

აღნიშნული ხელშეკრულების შესრულებისათვის საჭირო საბუღალტრო პროცედურები შეთანხმებული იქნება ჩინეთის განვითარების ბანკსა და საქართველოს ფინანსთა სამინისტროს შორის.

    მუხლი 4

ხელშეკრულება ძალაში შედის ორი მხარის მიერ ხელმოწერის დღიდან და ძალაშია მხარეების მიერ აღნიშნული ხელშეკრულებით გათვალისწინებული ვალდებულებების შესრულებამდე.

ხელმოწერილია თბილისში, 2008 წლის 21 მარტს, ორ ეგზემპლარად, ჩინურ, ქართულ და ინგლისურ ენებზე, თითოეულ მხარესთან ინახება ერთი ორიგინალი, სამივე ტექსტს გააჩნია თანაბარი ძალა.