ოქმი „ევროპის დერეფანი 8 – ტრასეკა“ ტრანსკონტინენტური კავშირის რეალიზაციისათვის საქართველოს ტრანსპორტის სამინისტროსა და ბულგარეთის რესპუბლიკის ტრანსპორტის სამინისტროს თანამშრომლობის შესახებ

ოქმი

„ევროპის დერეფანი 8 – ტრასეკა“ ტრანსკონტინენტური კავშირის რეალიზაციისათვის საქართველოს ტრანსპორტის სამინისტროსა და ბულგარეთის რესპუბლიკის ტრანსპორტის სამინისტროს თანამშრომლობის შესახებ

ბულგარეთში საქართველოს პრეზიდენტის ბ–ნ ედუარდ შევარდნაძის ოფიციალური ვიზიტის ფარგლებში 1997 წლის 14 და 15 დეკემბერს ქ. სოფიაში, ტრანსპორტის სამინისტროში გაიმართა საქართველოსა და ბულგარეთის რესპუბლიკის ტრანსპორტის მინისტრების ბ–ნ მერაბ ადეიშვილისა და ბ–ნ ვილჰელმ კრაუსის შეხვედრა.

მოლაპარაკებას ესწრებოდნენ პაატა ბლიაძე – საქართველოს ტრანსპორტის სამინისტროს წარმომადგენელი ბულგარეთში და ბ–ნ კალჩო ხინოვი – ბულგარეთის ტრანსპორტის მინისტრის მოადგილე.

მინისტრებმა გაცვალეს ინფორმაცია ორმხრივი თანამშრომლობის მიმდინარეობის შესახებ და ჩამოაყალიბეს უახლოესი მომავლისათვის ძირითადი მიმართულებები, როგორც კონკრეტული განზრახვები:

1. ბულგარეთის მხარე მიესალმება იდეას, რომ ქ. თბილისში 1998 წლის დამდეგს გაიმართოს შავი ზღვის რეგიონის ტრანსპორტის მინისტრების მრავალმხრივი შეხვედრა ევროპის კავშირის (PETRA) მონაწილეობით და ამ შეხვედრის მუშაობაში მონაწილეობას მიიღებს.

2. მინისტრებმა კრაუსმა მინისტრ ადეიშვილს აცნობა ევროპის კავშირის კომისრის ბ-ნ დენ ბრუკის წერილის მიების და იმის თაობაზე, რომ მასში მაღალი შეფასება ეძლევა 1997 წლის სექტემბრის დამდეგს ქ. ბურგასში გამართული ტრანსპორტის მინისტრების შეხვედრის მეომორანდუმს და ქართულ მხარეს ამ წერილის konulo გადასცა.

3. ბულგარეთისა და საქართველოს ტრანსპორტის მინისტრებმა კიდევ ერთხელ დაადასტურეს თავიანთი მხარეების მტკიცე გადაწყვეტილება აქტიურად იმუშაონ ევროპა–აზიის ტრანსკონტინენტური კავშირის რეალიზაციისათვის.

 ბულგარეთის მხარემ საქართველოს მხარეს აცნობა, რომ №8 ევროდერეფანს შეუერთდა იტალია და გადასცა ამა წლის ოქტომბერში რომში განხილული მემორანდუმის პროექტის konulo, რომელიც №; დერეფნის შემდგომი განვითარების შესახებ მოამზადეს ბულგარეთმა, მაკედონიამ, ალბანეთმა და იტალიამ, და რომელშიც დამკვირვებლად თურქეთიც მონაწილეობს.

4. ბულგარეთის მხარემ მინისტრ ადეიშვილს აცნობა OCF – იაპონიის დაფინანსებული ბურგასის ნავსადგურის განვითარების პროექტის რეალიზაციის შესახებ.

შეთანხმდნენ, რომ ბულგარეთის მხარე მხარს დაუჭერს საქართველოს განზრახვას თავისი კანდიდატურა წამოაყენოს OCF–იაპონიის წინაშე ფოთის ნავსადგურში სარკინიგზო საბორნე ტერმინალის მშენებლობის დაფინანსებისათვის.

5. მინისტრმა კრაუსმა მინისტრ ადეიშვილს აცნობა, რომ აშშ TDA სააგენტო 1998 წლის მაისში სტამბოლში აწყობს კონფერენციას, რომლის საგანი იქნება 8 დერეფნის და შავი ზღვის რეგიონის კავშირი კავკასიასთან და ცენტრალურ აზიასთან.

 მინისტრები შეთანხმდნენ, რომ მონაწილეობას მიიღებენ ამ კონფერენციაში ბურგასის შეხვედრის მემორანდუმში ჩაწერილი განზრახვების გათვალისწინებით.

6. მოლაპარაკების დროს განიხილეს ორ ქვეყანას შორის რეგულარული საჰაერო ხაზების გახსნის შესაძლებლობა.

 ტრანსპორტის მინისტრები რეკომენდაციას აძლევენ ეროვნული დროშების მატარებელ თავიანთ ავიაკომპანიებს, შეისწავლონ ბურგას–თბილისის სამგზავრო და ხაზის kapso და თბილისი–სოფია–ამსტერდამის სამგზავრო ხაზის ეკონომიკური მიზანშეწონილობა და გამართონ მოლაპარაკება.

7. ორივე მხარემ აღნიშნა ბურგას–ფოთის საავტომობილო საბორნე (POPO) გადასასვლელის კარგი მუშაობა, ხაზი გაუსვა ტვირთის ნაკადების ზრდას და სრული მხარდაჭერა აღუთქვა არსებულ PO–PO ხაზს.

ბულგარეთის რესპუბლიკისა და საქართველოს ტრანსპორტის მინისტრების შეხვედრამ სრული ურთიერთგაგების სულისკვეთებით ჩაიარა.

ოქმი შედგენილია 1997 წლის 15 დეკემბერს ქ. სოფიაში ორ ეგზემპლარად რუსულ ენაზე.

საქართველოს ტრანსპორტის მინისტრი მ. ადეიშვილი

ბულგარეთის რესპუბლიკის ტრანსპორტის მინისტრი ვ. კრაუსი