ოქმი დიპლომატიური და საკონსულო ურთიერთობების დამყარების შესახებ საქართველოსა და მალდივის რესპუბლიკას შორის

ოქმი

დიპლომატიური და საკონსულო ურთიერთობების დამყარების შესახებ საქართველოსა და მალდივის რესპუბლიკას შორის

საქართველო და მალდივის რესპუბლიკა, შემდგომში „მხარეებად“ წოდებულნი, ხელმძღვანელობენ რა საერთო სურვილით, განავითარონ ორ ქვეყანას შორის მეგობრული ურთიერთობები და თანამშრომლობა პოლიტიკურ, ეკონომიკურ, კულტურულ და სხვა სფეროებში, იღებენ გადაწყვეტილებას დიპლომატიური ურთიერთობების ელჩების დონეზე დამყარებისა და საკონსულო ურთიერთობების დამყარების შესახებ.

ორივე მხარეს სურს გამოხატოს თავისი მტკიცე რწმენა, რომ დიპლომატიური ურთიერთობების დამყარება და ორ სახელმწიფოს შორის ელჩების გაცვლა ხელს შეუწყობს ორმხრივ თანამშრომლობას და საყოველთაო მშვიდობის დამკვიდრებას.

ორივე მხარე განამტკიცებს მათ სურვილს თავიანთ შორის ურთიერთობა ააგონ გაერთიანებული ერების ორგანიზაციის წესდებაში გაცხადებული პრინციპების საფუძველზე და საერთაშორისო სამართლის შესაბამისად, რომელიც მოიცავს მშვიდობიანი თანაარსებობის, თანასწორობის და ერთმანეთის ტერიტორიების სუვერენიტეტის ურთიერთპატივისცემისა და ერთმანეთის შიდა საქმეებში ჩაურევლობის პრინციპებს.

მხარეები აგრეთვე თანხმდებიან, დიპლომატიური ურთიერთობები დამყარდეს 1961 წლის 18 აპრილის დიპლომატიური ურთიერთობების შესახებ ვენის კონვენციის შესაბამისად, ხოლო საკონსულო ურთიერთობები დამყარდეს 1963 წლის 24 აპრილის საკონსულო ურთიერთობების შესახებ ვენის კონვენციის შესაბამისად.

შესრულებულია და ხელმოწერილია ქ. ნიუ-იორკში 2010 წლის 11 მარტის, ქართულ და ინგლისურ ენებზე, ყველა ტექსტი თანაბრად ავთენტურია. წინამდებარე ოქმის განმარტებისას წამოჭრილი უთანხმოების შემთხვევაში, უპირატესობა ენიჭება ტექსტს ინგლისურ ენაზე.