დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ერთობლივი კომუნიკე დიპლომატიური ურთიერთობების დამყარების შესახებ საქართველოსა და გვატემალის რესპუბლიკას შორის | |
|---|---|
| დოკუმენტის ნომერი | - |
| დოკუმენტის მიმღები | საქართველოს საგარეო საქმეთა მინისტრი |
| მიღების თარიღი | 27/04/2010 |
| დოკუმენტის ტიპი | საქართველოს საერთაშორისო ხელშეკრულება და შეთანხმება |
| გამოქვეყნების წყარო, თარიღი | გაურკვეველი, -, 15/06/2010 |
| ძალაში შესვლის თარიღი | 27/04/2010 |
| სარეგისტრაციო კოდი | 480050000.03.030.000789 |
ერთობლივი კომუნიკე
დიპლომატიური ურთიერთობების დამყარების შესახებ საქართველოსა და გვატემალის რესპუბლიკას შორის
საქართველოსა და გვატემალის რესპუბლიკის მთავრობები, გამოხატავენ რა საერთო სურვილს, განავითარონ ორ ქვეყანას შორის მეგობრული ურთიერთობები და თანამშრომლობა პოლიტიკურ, ეკონომიკურ, კულტურულ და სხვა სფეროებში, იღებენ გადაწყვეტილებას დიპლომატიური ურთიერთობების ელჩების დონეზე დამყარების შესახებ. წინამდებარე ერთობლივი კომუნიკე ძალაშია ხელმოწერის დღიდან.
ორივე ქვეყანა გამოთქვამს რწმენას, რომ დიპლომატიური ურთიერთობების დამყარება შეესაბამება ორი სახელმწიფოს ინტერესებს და ხელს უწყობს საერთაშორისო თანამშრომლობის გაძლიერებასა და საყოველთაო მშვიდობის დამკვიდრებას.
ორივე ქვეყანა, ხელმძღვანელობს რა გაერთიანებული ერების ორგანიზაციის წესდებაში გაცხადებული პრინციპებით და საერთაშორისო სამართლის სხვა ფუძემდებლური ნორმებითა და პრინციპებით, თანხმდებიან, რომ ორ სახელმწიფოს შორის ურთიერთობებს განავითარებენ სუვერენული თანასწორობის, სახელმწიფოთა შორის თანამშრომლობისა და მეგობრული ურთიერთობების, სუვერენულ სახელმწიფოთა ტერიტორიული მთლიანობისა და საზღვრების ურღვეობის, სხვა სახელმწიფოს შიდა საქმეებში ჩაურევლობის პრინციპების შესაბამისად.
ორივე ქვეყანა თანხმდება, რომ დიპლომატიური ურთიერთობები დამყარდეს დიპლომატიური ურთიერთობების შესახებ 1961 წლის 18 აპრილის ვენის კონვენციის შესაბამისად.
ზემოაღნიშნულის დასტურად, ქვემორე ხელისმომწერი წარმომადგენლები, თავიანთი შესაბამისი მთავრობების მიერ სათანადოდ უფლებამოსილნი, ხელს აწერენ წინამდებარე ერთობლივ კომუნიკეს ცხრა ეგზემპლარად, ქართულ, ესპანურ და ინგლისურ ენებზე, ყველა ტექსტი თანაბრად ავთენტიკურია.
შესრულებულია ქალაქ ნიუ იორკში, 2010 წლის 27 აპრილს.
საქართველოს სახელით გვატემალის რესპუბლიკის სახელით
მისი აღმატებულება ბატონი მისი აღმატებულება ბატონი
ალექსანდრე ლომაია გერტ როსენსალი
საგანგებო და სრულუფლებიანი ელჩი, საგანგებო და სრულუფლებიანი ელჩი,
გაერთიანებული ერების ორგანიზაციაში გაერთიანებული ერების ორგანიზაციაში
საქართველოს გვატემალის რესპუბლიკის
მუდმივი წარმომადგენელი მუდმივი წარმომადგენელი
დოკუმენტის კომენტარები