„მმართველობის რეფორმის პროგრამის შესახებ”

საქართველოს მთავრობის

დადგენილება №5

2004 წლის 25 მარტი

ქ. თბილისი

მმართველობის რეფორმის პროგრამის შესახებ

1. მოწონებულ იქნეს საქართველოს მთავრობასა და გაერთიანებული ერების ორგანიზაციის განვითარების პროგრამას შორის 1994 წლის 1 ივლისის „სტანდარტული ძირითადი დახმარების ხელშეკრულების“ საფუძველზე მომზადებული მმართველობის რეფორმის პროგრამა.

2. ეთხოვოს საქართველოს პრეზიდენტს საქართველოს მთავრობის მხრიდან მმართველობის რეფორმის პროგრამის თაობაზე საქართველოს მთავრობასა და გაეროს განვითარების პროგრამას შორის შეთანხმებაზე ხელის მოწერის უფლებამოსილება მიენიჭოს საქართველოს ფინანსთა მინისტრს – ზურაბ ნოღაიდელს.

3. საქართველოს მთავრობა ადასტურებს, რომ პროგრამით გათვალისწინებულ ვადებში და ოდენობით ჩაანაცვლებს მმართველობის რეფორმის პროგრამის დოკუმენტზე თანდართული (დანართი №1 და №2) ფონდის ბიუჯეტით გათვალისწინებულ სახსრებს სახელმწიფო საბიუჯეტო სახსრებით.

4. ცნობად იქნეს მიღებული, რომ საქართველოს მხრიდან პროგრამის განხორციელებას უზრუნველყოფს საქართველოს პრეზიდენტთან არსებული საჯარო სამართლის იურიდიული პირი – განვითარებისა და რეფორმების ფონდი.

5. დადგენილება ამოქმედდეს გამოქვეყნებისთანავე.

პრემიერ-მინისტრი ზ. ჟვანია