„განსხვავებულობაზე, ერთგვაროვნებაზე და სტაბილურობაზე სიმინდის (Zea mays L.) ახალი ჯიშის მიმართ მოთხოვნებისა და გამოცდის მეთოდების დამტკიცების შესახებ“ საქართველოს სოფლის მეურნეობის მინისტრის 2009 წლის 8 იანვრის №2–1 ბრძანებაში ცვლილებების შეტანის თაობაზე

საქართველოს სოფლის მეურნეობის მინისტრის

ბრძანება №2-24

2011 წლის 18 თებერვალი

ქ. თბილისი

 „განსხვავებულობაზე, ერთგვაროვნებაზე და სტაბილურობაზე სიმინდის (Zea mays L.) ახალი ჯიშის მიმართ მოთხოვნებისა და გამოცდის მეთოდების დამტკიცების შესახებ“ საქართველოს სოფლის მეურნეობის მინისტრის 2009 წლის 8 იანვრის №2–1 ბრძანებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

1. „განსხვავებულობაზე, ერთგვაროვნებაზე და სტაბილურობაზე სიმინდის (Zea mays L.) ახალი ჯიშის მიმართ მოთხოვნებისა და გამოცდის მეთოდების დამტკიცების შესახებ“ საქართველოს სოფლის მეურნეობის მინისტრის 2009 წლის 8 იანვრის №2–1 (სსმ III, 20.01.2009 წ., №7, მუხ.48) ) ბრძანებაში შეტანილ იქნეს შემდეგი ცვლილებები:

 ა) ბრძანების პრეამბულა ჩამოყალიბდეს შემდეგი რედაქციით:

„ცხოველთა და მცენარეთა ახალი ჯიშების შესახებ“ საქართველოს კანონის 47-ე მუხლის მე-3 პუნქტის საფუძველზე, “.

ბ) განსხვავებულობაზე, ერთგვაროვნებაზე და სტაბილურობაზე სიმინდის (Zea mays L.) ახალი ჯიშის მიმართ მოთხოვნების და გამოცდის მეთოდების (დანართი №1) მე-2 მუხლის პირველი პუნქტი ჩამოყალიბდეს შემდეგი რედაქციით:

„1. „ცხოველთა და მცენარეთა ახალი ჯიშების შესახებ“ საქართველოს კანონის მე-3 მუხლის მე-2 პუნქტის შესაბამისად განსაზღვრული აკრედიტებული პირები, წყვეტენ, როდის, სად, რა რაოდენობისა და ხარისხის მცენარეული მასალა უნდა იქნეს წარდგენილი მცენარის ჯიშის გამოცდის ჩატარებისათვის. პირი, რომელიც წარადგენს მცენარეულ მასალას, ვალდებულია დაიცვას აკრედიტებული პირების მიერ დადგენილი პროცედურა და ფორმალური მოთხოვნები.“.

2. ბრძანება ამოქმედდეს გამოქვეყნებისთანავე.

ბ. კვეზერელი