ურთიერთგაგების მემორანდუმი საქართველოს რესპუბლიკასა და ირანის ისლამურ რესპუბლიკას შორის ტრანსპორტის დარგში თანამშრომლობის შესახებ

მემორანდუმი

 საქართველოსა და ირანის ისლამურ რესპუბლიკას შორის ტრანსპორტის დარგში თანამშრომლობის შესახებ

ირანის ისლამური რესპუბლიკის პრეზიდენტის პირველი მოადგილის, მისი აღმატებულება დოქტორ ჰასან ჰაბიბის ოფიციალური ვიზიტის დროს 1996 წლის 31 ოქტომბრიდან 3 ნოემბრამდე, შესაბამისად, 1375 წლის 10.8-13.8-ს ჩატარდა მოლპარაკებები საქართველოს ტრანსპორტის სამინისტროსა და ირანის ისლამური რესპუბლიკის გზებისა და გადაზიდვების სამინისტროს შორის.

აღიარებენ რა ორ ქვეყანას შორის სავაჭრო ურთიერთობათა გაღრმავების მნიშვნელობას,

გამოთქვამენ სურვილს ორ ქვეყანას შორის ტვირთებისა და მგზავრთა გადაყვანის გაზრდის შესახებ.

1. ირანის მხარემ გამოხატა ინტერესი რო-როს ტიპის ხაზის გახსნის შესაძლებლობაზე ფოთის პორტიდან ნოვოროსიისკს, ოდესასა და ტაგანროგს შორის. საქართველოს მხარემ იკისრა ვალდებულება დაეხმაროს ირანის მხარეს, რათა უქირაოს რო-როს ტიპის ბორანი მას შემდეგ, რაც მიიღებს თხოვნას ამის შესახებ და რო-როს ტექნიკურ მაჩვენებლებს.

2. ირანის მხარემ გამოხატა კმაყოფილება ფოთის პორტში ერთობლივი საწარმოს შექმნისათვის საჭირო ავტოტერმინალისათვის შეთავაზებული ტერიტორიის გამო.

საქართველოს მხარემ ირანის მხარეს გადასცა ერთობლივი საწარმოს დებულების პროექტი განსახილველად, რომელსაც შეისწავლის ირანის მხარე და მიაწოდებს წინადადებებსა და შენიშვნებს საქართველოს მხარეს.

3. ირანის მხარემ გამოთქვა მზადყოფნა, რათა მიიღოს მონაწილეობა ფოთი-თბილისის საავტომობილო გზის რეკონსტრუქციაში.

საქართველოს მხარე მოიწვევს ირანის ექსპერტებს აღნიშნული მარშრუტის შესასწავლად და განიხილება ამ პროექტის ფინანსური ასპექტები.

4. საქართველოს მხარემ გამოხატა მზადყოფნა, რათა გაადვილდეს საქართველოს საზღვრის გადაკვეთის პროცედურა ირანის სატრანსპორტო საშუალებებისთვის სარფში და წითელ ხიდთან.

5. ირანის მხარემ ხაზი გაუსვა იმ პრობლემებს, რომლებიც აწუხებთ ირანელ მძღოლებს საქართველოს ვიზის მიღებისას, გადასახადებისა და მოსაკრებლების სიდიიდს გამო. საქართველოს მხარემ გამოთქვა მზადყოფნა, რომ ამ საკითხს განიხილავს მთავრობის შესაბამის სტრუქტურებთან ერთად.

6. თანამშრომლობის შემდგომი გაფართოების მიზნით ირანის მხარე იწვევს საქართველოს დელეგაციას ირანის ისლამურ რესპუბლიკაში მომავალი წლის იანვარში.

შედგენილია თბილისში 1996 წლის 3 ნოემბერს, შესაბამისად, 1 375 წლის 13.8, სამ პირად, ქართულ, ინგლისურ და სპარსულ ენებზე.