„ბორჯომის მუნიციპალიტეტის ტერიტორიაზე გარე რეკლამის შემოღების, ნებართვის გაცემის და გარე რეკლამის ნებართვით გათვალისწინებული ნაგებობების განთავსების წესის დამტკიცების შესახებ” ბორჯომის მუნიციპალიტეტის საკრებულოს 2010 წლის 27 დეკემბრის №41 დადგენილებაში ცვლილებების შეტანის თაობაზე

ბორჯომის მუნიციპალიტეტის საკრებულოს

 დადგენილება №2

  2011 წლის 11 თებერვალი

ქ. ბორჯომი

 „ბორჯომის მუნიციპალიტეტის ტერიტორიაზე გარე რეკლამის შემოღების,  ნებართვის გაცემის და გარე რეკლამის ნებართვით გათვალისწინებული ნაგებობების განთავსების წესის დამტკიცების შესახებ” ბორჯომის მუნიციპალიტეტის საკრებულოს 2010 წლის 27 დეკემბრის № 41 დადგენილებაში ცვლილებების შეტანის თაობაზე

   „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ბორჯომის მუნიციპალტიეტის საკრებულომ  დ ა ა დ გ ი ნ ა :

    მუხლი 1.

„ბორჯომის მუნიციპალიტეტის ტერიტორიაზე გარე რეკლამის შემოღების, ნებართვის გაცემის და გარე რეკლამის ნებართვით გათვალისწინებული ნაგებობების განთავსების წესის დამტკიცების შესახებ” ბორჯომის მუნიციპალიტეტის საკრებულოს 2010 წლის 27 დეკემბრის № 41 დადგენილებაში შეტანილი იქნეს ცვლილებები:

ა) დადგენილების მე-4 მუხლში სიტყვები „ მუნიციპალიტეტის გამგეობას” შეიცვალოს სიტყვებით ”მუნიციპალიტეტის საკრებულოს” და ჩამოყალიბდეს შემდეგი რედაქციით:

     „მუხლი 4. ბორჯომის მუნიციპალიტეტის ტერიტორიაზე გარე რეკლამის განთავსების ნებართვის გაცემის უფლებამოსილება მიენიჭოს ბორჯომის მუნიციპალიტეტის საკრებულოს.”

ბ) № 1 დანართის  „ ბორჯომის მუნიციპალიტეტის ტერიტორიაზე გარე რეკლამის შემოღების, ნებართვის გაცემის და გარე რეკლამის ნებართვით გათვალისწინებული ნაგებობების განთავსების წესის“ მე-5 მუხლის 1-ლი პუნქტის „ გ” ქვეპუნქტში სიტყვა „ ცენტრალურ” შეიცვალოს სიტყვით ”საავტომობილო” და ჩამოყალიბდეს შემდეგი რედაქციით:

„ გ) ბორჯომი-ბაკურიანის საავტომობილო გზასა და დაბა ბაკურიანში არსებულ უძრავ ნივთებზე გარე რეკლამის განთავსების ნებართვა;”;

დ) № 1 დანართის ”ბორჯომის მუნიციპალიტეტის ტერიტორიაზე გარე რეკლამის შემოღების, ნებართვის გაცემის და გარე რეკლამის ნებართვით გათვალისწინებული ნაგებობების განთავსების წესის“ მე-7, მე-8 მუხლის მე-2 პუნქტი, მე-9 მუხლის მე-2 და მე-3 მუხლები ამოღებული იქნეს.

ე) № 2 დანართში სიტყვები „კომისიის თავმჯდომარე” შეიცვალოს სიტყვებით ”საკრებულოს თავმჯდომარე”.

    მუხლი 2

დადგენილება ამოქმედდეს გამოქვეყნებისთანავე.

საკრებულოს თავმჯდომარე       ბ. ქურდაძე