„საქართველოს სოფლის მეურნეობის სამინისტროს შიდა აუდიტის სამსახურის დებულების დამტკიცების თაობაზე“ საქართველოს სოფლის მეურნეობის მინისტრის 2010 წლის 25 აგვისტოს №2-135 ბრძანებაში ცვლილებების შეტანის შესახებ

საქართველოს სოფლის მეურნეობის მინისტრის

ბრძანება №2-19

2011 წლის 15 თებერვალი

ქ. თბილისი

„ საქართველოს სოფლის მეურნეობის სამინისტროს შიდა აუდიტის სამსახურის დებულების დამტკიცების თაობაზე“ საქართველოს სოფლის მეურნეობის მინისტრის 2010 წლის 25 აგვისტოს № 2- 135 ბრძანებაში ცვლილებების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის თანახმად, ვბრძანებ:

მუხლი 1. „ საქართველოს სოფლის მეურნეობის სამინისტროს შიდა აუდიტის სამსახურის დებულების დამტკიცების თაობაზე“ საქართველოს სოფლის მეურნეობის მინისტრის 2010 წლის 25 აგვისტოს №2-135 ბრძანებით დამტკიცებულ (სსმ III, 27.08.2010, № 106, მუხ. 1600) დებულებაში შეტანილ იქნეს შემდეგი ცვლილებები:

1. მე-2 მუხლის მე-2 პუნქტი ჩამოყალიბდეს შემდეგი რედაქციით:

„2. სამსახური ანგარიშვალდებულია საქართველოს სოფლის მეურნეობის მინისტრის (შემდგომში – მინისტრი) წინაშე და მოქმედებს შიდა აუდიტთან დაკავშირებული საკითხების განმხილველ საბჭოსთან (შემდგომში – საბჭო) კოორდინირებულად“.

2. მე-3 მუხლის მე-3 პუნქტი ამოღებულ იქნეს.

3. მე-5 მუხლის „ა“ და „ბ“ ქვეპუნქტები ჩამოყალიბდეს შედეგი რედაქციით:

„ა) ამზადებს და მინისტრს შესათანხმებლად წარუდგენს შიდა აუდიტის საქმიანობის სტრატეგიულ და წლიურ გეგმებს;

ბ) ამზადებს შიდა აუდიტის წლიურ ანგარიშს და წლის ბოლოს წარუდგენს მინისტრსა და საბჭოს ;“

 4. მე-5 მუხლის „ი“, „კ“ და „ლ“ ქვეპუნქტები ამოღებულ იქნეს.

მუხლი 2 . ბრძანება ამოქმედდეს გამოქვეყნებისთანავე.

ბ. კვეზერელი