"ჯანმრთელობის დაცვის იმ სახელმწიფო პროგრამების/მათი ღონისძიებების/მოცულობების განსაზღვრის შესახებ, რომელთა განხორციელებაც, სახელმწიფოს მიერ 2010 წელს ნაკისრი ვალდებულებების შესასრულებლად, უწყვეტად გაგრძელდება საქართველოს შრომის, ჯანმრთელობისა და სოციალური დაცვის სამინისტროს სისტემაში განსახორციელებელი 2011 წლის შესაბამისი სახელმწიფო პროგრამების დამტკიცებამდე ან/და „სახელმწიფო შესყიდვების შესახებ” საქართველოს კანონის მოთხოვნათა შესრულებამდე ან ვაუჩერის პირობების შესაბამისად, შესაბამისი მიმწოდებლების გამოვლენამდე” საქართველოს შრომის, ჯანმრთელობისა და სოციალური დაცვის მინისტრის 2010 წლის 31 დეკემბრის №442/ნ ბრძანებაში ცვლილებისა და დამატებების შეტანის თაობაზე“

საქართველოს შრომის, ჯანმრთელობისა და სოციალური დაცვის მინისტრის

ბრძანება №39/ნ

2011 წლის 1 6 თებერვალი

ქ. თბილისი

,,ჯანმრთელობის დაცვის იმ სახელმწიფო პროგრამების/მათი ღონისძიებების/მოცულობების განსაზღვრის შესახებ, რომელთა განხორციელებაც, სახელმწიფოს მიერ 2010 წელს ნაკისრი ვალდებულებების შესასრულებლად, უწყვეტად გაგრძელდება საქართველოს შრომის, ჯანმრთელობისა და სოციალური დაცვის სამინისტროს სისტემაში განსახორციელებელი 2011 წლის შესაბამისი სახელმწიფო პროგრამების დამტკიცებამდე ან/და „სახელმწიფო შესყიდვების შესახებ” საქართველოს კანონის მოთხოვნათა შესრულებამდე ან ვაუჩერის პირობების შესაბამისად, შესაბამისი მიმწოდებლების გამოვლენამდე” საქართველოს შრომის, ჯანმრთელობისა და სოციალური დაცვის მინისტრის 2010 წლის 31 დეკემბრის №442/ნ ბრძანებაში ცვლილებისა და დამატებების შეტანის თაობაზე

 „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1. ,,ჯანმრთელობის დაცვის იმ სახელმწიფო პროგრამების/მათი ღონისძიებების/მოცულობების განსაზღვრის შესახებ, რომელთა განხორციელებაც, სახელმწიფოს მიერ 2010 წელს ნაკისრი ვალდებულებების შესასრულებლად, უწყვეტად გაგრძელდება საქართველოს შრომის, ჯანმრთელობისა და სოციალური დაცვის სამინისტროს სისტემაში განსახორციელებელი 2011 წლის შესაბამისი სახელმწიფო პროგრამების დამტკიცებამდე ან/და „სახელმწიფო შესყიდვების შესახებ” საქართველოს კანონის მოთხოვნათა შესრულებამდე ან ვაუჩერის პირობების შესაბამისად, შესაბამისი მიმწოდებლების გამოვლენამდე” საქართველოს შრომის, ჯანმრთელობისა და სოციალური დაცვის მინისტრის 2010 წლის 31 დეკემბრის №442/ნ ბრძანებაში (სსმ III, 31.12.2010, №172, მუხ. 2558) შეტანილ იქნეს შემდეგი ცვლილება და დამატებები:

ბრძანების მე-3 პუნქტის ,,ა’’ ქვეპუნქტის ,,ა.ა” ქვეპუნქტი ჩამოყალიბდეს შემდეგი რედაქციით:

1. ,,ა.ა) დასადები/გასაფორმებელი ხელშეკრულებებით გათვალისწინებული თანხის ყოველთვიური მოცულობა განისაზღვროს 2011 წელს განსახორციელებელი პროგრამებისათვის დამტკიცებული ასიგნებების არა უმეტეს 1/12-ისა, გარდა ამ პუნქტის ,,ა.ბ‘‘, ,,ა.ე” და ,,ა.ვ’’ ქვეპუნქტით გათვალისწინებული გამონაკლისისა.”.

2.  ბრძანების მე-3 პუნქტის „ა“ ქვეპუნქტს დაემატოს ,,ა.ე’’ და ,,ა.ვ’’ ქვეპუნქტი და ჩამოყალიბდეს შემდეგი რედაქციით:

,,ა.ე) 2011 წლის იანვარ-თებერვლის თვეებში, შენარჩუნებულ იქნეს „რეფერალური მომსახურების სახელმწიფო პროგრამის” რეფერალური დახმარების კომპონენტის ფარგლებში გაფორმებულ/გაგრძელებულ ხელშეკრულებებზე 2010 წლის სახელმწიფო პროგრამის განხორციელების/დაფინანსების პრინციპები.

ა.ვ) 2011 წლის იანვარ-თებერვალ-მარტის თვეებში შენარჩუნებულ იქნეს „რეფერალური მომსახურების სახელმწიფო პროგრამის” „სტიქიური უბედურებების, კატასტროფების, საგანგებო სიტუაციების, კონფლიქტურ რეგიონებში დაზარალებულ მოქალაქეთა და საქართველოს შრომის, ჯანმრთელობის და სოციალური დაცვის სამინისტროს მიერ სხვა განსაზღვრული შემთხვევების დროს მოსახლეობის სამედიცინო დახმარების კომპონენტის’’ 2010 წლის სახელმწიფო პროგრამის განხორციელების/დაფინანსების პრინციპები.’’.

მუხლი 2. ბრძანება ძალაშია გამოქვეყნებისთანავე.

ა. ურუშაძე