აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის საქვეუწყებო დაწესებულება–სურსათის უვნებლობის, ვეტერინარიისა და მცენარეთა დაცვის სამმართველოს ლიკვიდაციის შესახებ

აფხაზეთის მთავრობის

დადგენილება №2

2011 წლის 10 თებერვალი

ქ. თბილისი

აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის საქვეუწყებო დაწესებულების – სურსათის უვნებლობის, ვეტერინარიისა და მცენარეთა დაცვის სამმართველოს ლიკვიდაციის შესახებ

მუხლი 1. „სურსათის უვნებლობისა და ხარისხის შესახებ“ საქართველოს კანონის 36-ე მუხლის პირველი პუნქტისა და „აფხაზეთის ავტონომიური რესპუბლიკის მთავრობის სტრუქტურის, უფლებამოსილებისა და საქმიანობის წესის შესახებ“ აფხაზეთის კანონის 14¹ მუხლის მე-3 პუნქტის შესაბამისად, საქართველოს სოფლის მეურნეობის სამინისტროს მმართველობის სფეროში საჯარო სამართლის იურიდიული პირის სურსათის ეროვნული სააგენტოს ჩამოყალიბებასთან დაკავშირებით:

1. ლიკვიდირებულ იქნეს აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის საქვეუწყებო დაწესებულება – სურსათის უვნებლობის, ვეტერინარიისა და მცენარეთა დაცვის სამმართველო.

2. ძალადაკარგულად გამოცხადდეს აფხაზეთის მთავრობის 2006 წლის 15 ნოემბრის №38 დადგენილება „აფხაზეთის ავტონომიური რესპუბლიკის აგრარულ საკითხთა დეპარტამენტის საქვეუწყებო დაწესებულების – სურსათის უვნებლობის, ვეტერინარიისა და მცენარეთა დაცვის სამმართველოს შექმნის შესახებ“ (აფხაზეთის ავტონომიური რესპუბლიკის საკანონმდებლო მაცნე №26, 16.11.2006 წ., მუხლი 68) და აფხაზეთის მთავრობის 2009 წლის 14 სექტემბრის №15 დადგენილება „აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის საქვეუწყებო დაწესებულების – სურსათის უვნებლობის, ვეტერინარიისა და მცენარეთა დაცვის სამმართველოს დებულების დამტკიცების შესახებ“ (აფხაზეთის ავტონომიური რესპუბლიკის საკანონმდებლო მაცნე №12, 16.09.2009 წ., მუხლი 18).

3. აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტმა (გ.ესაკია) ამ დადგენილების ამოქმედებიდან ერთ თვეში უზრუნველყოს:

ა) ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის საქვეუწყებო დაწესებულების – სურსათის უვნებლობის, ვეტერინარიისა და მცენარეთა დაცვის სამმართველოს ლიკვიდაციასთან დაკავშირებული კანონმდებლობით გათვალისწინებული ღონისძიებათა განხორციელება;

ბ) „აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის დებულების დამტკიცების შესახებ“ აფხაზეთის მთავრობის 2007 წლის 30 მარტის №23 დადგენილებაში ცვლილების შეტანის თაობაზე“ აფხაზეთის მთავრობის დადგენილების პროექტის წარმოდგენა.

მუხლი 2. აფხაზეთის ეკონომიკის სამინისტრომ (ნ.ჩხარტიშვილი) უზრუნველყოს აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის საქვეუწყებო დაწესებულების – სურსათის უვნებლობის, ვეტერინარიისა და მცენარეთა დაცვის სამმართველოს ბალანსზე რიცხული ქონების აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტისათვის კანონმდებლობით დადგენილი წესით გადაცემა.

მუხლი 3. ამ დადგენილების ძალაში შესვლასთან დაკავშირებით აფხაზეთის ფინანსთა სამინისტრომ (თ.კვარაცხელია) წარმოადგინოს აფხაზეთის კანონის პროექტი „აფხაზეთის ავტონომიური რესპუბლიკის 2011 წლის რესპუბლიკურ ბიუჯეტში ცვლილებების შეტანის შესახებ.“

მუხლი 4. დადგენილების პირველი მუხლის პირველი და მეორე პუნქტები ამოქმედდეს გამოქვეყნებიდან ერთი თვის ვადაში.

მუხლი 5. დადგენილება ძალაშია გამოქვეყნებისთანავე.

მთავრობის თავმჯდომარე გ. ბარამია