2002 წლის სახელმწიფო ბიუჯეტში საქართველოს ენერგოსისტემის სუბსიდირებისათვის გათვალისწინებული სახსრებით საბიუჯეტო ორგანიზაციების მიერ 2002 წლის 1 იანვრამდე მოხმარებული ელექტროენერგიისა და ბუნებრივი აირის ღირებულების ანაზღაურების წესი

სახელმწიფო სარეგისტრაციო კოდი 300.280.000.11.117.005.168

საქართველოს ფინანსთა მინისტრისა და საქართველოს სათბობ-ენერგეტიკის მინისტრის

ერთობლივი ბრძანება №27/6

2002 წლის 26 თებერვალი

ქ. თბილისი

2002 წლის სახელმწიფო ბიუჯეტში საქართველოს ენერგოსისტემის სუბსიდირებისათვის გათვალისწინებული სახსრებით საბიუჯეტო ორგანიზაციების მიერ 2002 წლის 1 იანვრამდე მოხმარებული ელექტროენერგიისა და ბუნებრივი აირის ღირებულების ანაზღაურების წესი

,,საქართველოს სახელმწიფო ბიუჯეტის შესახებ” საქართველოს კანონის მე-17 მუხლის, 1-ლი პუნქტის

ა) ქვეპუნქტის განხორციელების მიზნით:

1. საქართველოს ფინანსთა სამინისტრომ ენერგოსისტემის სუბსიდირებისათვის გათვალისწინებული სახსრებიდან სათბობ-ენერგეტიკის სამინისტროს მიერ წარმოდგენილი საგადასახადო დავალებების საფუძველზე 2002 წლის განმავლობაში ცენტრალური ბიუჯეტის დაფინანსებაზე მყოფი ორგანიზაცია-დაწესებულებების მიერ 2002 წლის 1 იანვრის მდგომარეობით მოხმარებული ელექტროენერგიის საფასურის ანაზღაურებაში წარმოქმნილი დავალიანების დაფარვა განახორციელოს საქართველოს ელექტროენერგიის საბითუმო ბაზართან (გარდა ეი-ი-ეს თელასისათვის გადასარიცხი თანხებისა).

2. საქართველოს ფინანსთა სამინისტრომ ენერგოსისტემის სუბსიდირებისათვის გათვალისწინებული სახსრებიდან სათბობ-ენერგეტიკის სამინისტროს მიერ წარმოდგენილი საგადასახადო დავალებების საფუძველზე, 2002 წლის განმავლობაში ცენტრალური ბიუჯეტის დაფინანსებაზე მყოფი ორგანიზაცია-დაწესებულებების მიერ 2002 წლის 1 იანვრის მდგომარეობით მოხმარებული ბუნებრივი აირის ღირებულების ანაზღაურებაში წარმოქმნილი დავალიანების დაფარვა განახორციელოს ბუნებრივი აირის გამანაწილებელ კომპანიებთან.

3. საქართველოს სათბობ-ენერგეტიკის სამინისტრომ და საქართველოს ელექტროენერგიის საბითუმო ბაზარმა ამ წესის 1-ლი პუნქტის შესაბამისად გადარიცხული თანხების ასახვა განახორციელოს ცენტრალური ბიუჯეტის დაფინანსებაზე მყოფი ორგანიზაცია-დაწესებულებებისათვის შესაბამის ენერგოკომპანიებში გახსნილ ბარათებზე, იმის გათვალისწინებით, რომ აღნიშნული თანხით დაიფარება ენერგოკომპანიების დავალიანება საქართველოს ელექტროენერგიის საბითუმო ბაზრის მიმართ;

4. საქართველოს სათბობ-ენერგეტიკის სამინისტრომ და ბუნებრივი აირის გამანაწილებელმა კომპანიებმა ამ წესის მე-2 პუნქტის შესაბამისად, გადარიცხული თანხების ასახვა განახორციელონ ცენტრალური ბიუჯეტის დაფინანსებაზე მყოფი ორგანიზაცია-დაწესებულებებისათვის შესაბამის გამანაწილებელ კომპანიებში გახსნილ ბარათებზე;

5. საქართველოს ფინანსთა სამინისტროს სახაზინო სამსახურმა ცენტრალური ბიუჯეტის დაფინანსებაზე მყოფი ორგანიზაცია-დაწესებულებების მიერ წარმოდგენილი დადასტურებული წერილობითი ინფორმაციის საფუძველზე პრიორიტეტულობის განსაზღვრის მიზნით წარუდგინოს ორგანიზაციათა ჩამონათვალი დავალიანების შესახებ ,,საქართველოს 2002 წლის სახელმწიფო ბიუჯეტის შესახებ” საქართველოს კანონის მე-17 მუხლის მე-2 პუნქტის საფუძველზე შექმნილ კომისიას.

6. კომისიის გადაწყვეტილების შესაბამისად, ფინანსთა სამინისტროს სახაზინო სამსახურმა ცენტრალური ბიუჯეტის დაფინანსებაზე მყოფ ორგანიზაცია-დაწესებულებებს მიაწოდოს წერილობითი ინფორმაცია კომისიის გადაწყვეტილებების შესახებ ბუღალტრულ ანგარიშგებაში კრედიტორული დავალიანების ჩამოწერის თაობაზე.

7. ეს ბრძანება ამოქმედდეს გამოქვეყნებისთანავე.

ზ. ნოღაიდელი

დ. მირცხულავა