`დიასპორის საკითხებში საქართველოს სახელმწიფო მინისტრის აპარატის შექმნისა და დებულების დამტკიცების შესახებ~ საქართველოს მთავრობის 2008 წლის 8 თებერვლის №18 დადგენილებაში ცვლილებების შეტანის თაობაზე

საქართველოს მთავრობის

დადგენილება №57

2011 წლის 31 იანვარი

ქ. თბილისი

„ დიასპორის საკითხებში საქართველოს სახელმწიფო მინისტრის აპარატის შექმნისა და დებულების  დამტკიცების შესახებ“ საქართველოს მთავრობის 2008 წლის 8 თებერვლის № 18 დადგენილებაში     ცვლილებების შეტანის თაობაზე

 მუხლი 1. „ ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად „ დიასპორის საკითხებში საქართველოს სახელმწიფო მინისტრის აპარატის შექმნისა და დებულების დამტკიცების შესახებ“ საქართველოს მთავრობის 2008 წლის 8 თებერვლის № 18 დადგენილებაში (სსმ III, 2008 წელი, № 21, მუხლი 238) შეტანილ იქნეს შემდეგი ცვლილებები:

1. დადგენილების პირველი პუნქტის „ ბ“ ქვეპუნქტი ჩამოყალიბდეს შემდეგი რედაქციით:

„ბ) დიასპორის საკითხებში საქართველოს სახელმწიფო მინისტრის აპარატის საშტატო რიცხოვნობა განისაზღვროს 20 ერთეულით.“.

2. ამ დადგენილებით დამტკიცებული დებულების მე-4 მუხლი ჩამოყალიბდეს შემდეგი რედაქციით:

     „მუხლი 4. აპარატის სტრუქტურა და შემადგენლობა:

1. აპარატის სტრუქტურა შედგება შემდეგი ქვედანაყოფებისაგან:

ა) პროგრამების დეპარტამენტი;

ბ) ანალიტიკის დეპარტამენტი;

გ) ადმინისტრაციული დაპარტამენტი.

2. ამ დებულებისა და საშტატო ნუსხის შესაბამისად აპარატში დგინდება შემდეგი თანამდებობები:

ა) სახელმწიფო მინისტრი;

ბ) სახელმწიფო მინისტრის პირველი მოადგილე;

გ) სახელმწიფო მინისტრის უფროსი მრჩეველი;

დ) აპარატის უფროსი;

ე) სახელმწიფო მინისტრის მრჩეველი;

ვ) დეპარტამენტის უფროსი;

ზ) მთავარი ბუღალტერი;

თ) მთავარი სპეციალისტი;

ი) სპეციალისტი.“. 

3. ამ დადგენილებით დამტკიცებული დებულების მე-5 მუხლის პირველი პუნქტი ჩამოყალიბდეს შემდეგი რედაქციით:

„1. აპარატის საერთო ხელმძღვანელობას ახორციელებს სახელმწიფო მინისტრი, ხოლო მისი არყოფნის შემთხვევაში – სახელმწიფო მინისტრის პირველი მოადგილე. სახელმწიფო მინისტრის პირველ მოადგილეს თანამდებობაზე ნიშნავს და თანამდებობიდან ათავისუფლებს სახელმწიფო მინისტრი.“.

4. დიასპორის საკითხებში საქართველოს სახელმწიფო მინისტრის აპარატის საშტატო ნუსხა ჩამოყალიბდეს შემდეგი რედაქციით:

„ დიასპორის საკითხებში საქართველოს სახელმწიფო მინისტრის აპარატის საშტატო ნუსხა

 მუხლი 2. დადგენილება ამოქმედდეს 2011 წლის 1 თებერვლიდან.

პრემიერ-მინისტრი                       ნ. გილაური