"საქართველოს სოფლის მეურნეობის სამინისტროს დებულების დამტკიცების შესახებ" საქართველოს მთავრობის 2009 წლის 18 თებერვლის №26 დადგენილებაში ცვლილებისა და დამატების შეტანის თაობაზე

 საქართველოს მთავრობის

დადგენილება №36

2011 წლის 21 იანვარი

ქ. თბილისი

„საქართველოს სოფლის მეურნეობის სამინისტროს დებულების დამტკიცების შესახებ“ საქართველოს მთავრობის 2009 წლის 18 თებერვლის №26 დადგენილებაში ცვლილებებისა და დამატების შეტანის თაობაზე

მუხლი 1. „ნორმატიული აქტების შესახებ“ საქართველოს კა­ნონის მე-20 მუხლის მე-4 პუნქტის შესაბამისად „საქართველოს სოფლის მეურნეობის სამინისტროს დებულების დამტკიცების შე­სახებ“ საქართველოს მთავრობის 2009 წლის 18 თებერვლის №26 დადგენილებით (სსმ, 2009 წელი, №20, მუხლი 224) დამტკიცებულ დებულებაში შეტანილ იქნეს შემდეგი ცვლილებები და დამატება:

1. მე-5 მუხლის პირველი პუნქტი ჩამოყალიბდეს შემდეგი რე­დაქციით:       

„1. მინისტრი:

ა) ხელმძღვანელობს სამინისტროს, წარმართავს მის საქ­მიანობას და წყვეტს სამინისტროს გამგებლობის სფეროს მიკუთვ­ნებულ საკითხებს;

ბ) პასუხისმგებელია საქართველოს კონსტიტუციის, საქართ­ვე­ლოს კანონების, საქართველოს პრეზიდენტის ბრძანებულებებისა და განკარგულებების, საქართველოს მთავრობისა და პრემიერ-მი­ნისტრის სამართლებრივი აქტების შესრულებისათვის;

გ) თვალყურს ადევნებს სამინისტროს სტრუქტურული ქვედა­ნაყოფების, სამინისტროს მმართველობის სფეროს მიკუთვნებული საჯარო სამართლის იურიდიული პირების მიერ თავიანთი მოვა­ლე­ობების შესრულების მიმდინარეობას და კანონით დადგენილი წესით ახორციელებს სამინისტროს საჯარო მოსამსახურეთა გადა­წყვეტილებებისა და საქმიანობის სამსახურებრივ ზედამხედვე­ლო­ბას; 

დ) საქართველოს კანონმდებლობით დადგენილი წესით, საკუ­თარი კომპეტენციის ფარგლებში თანამდებობაზე ნიშნავს და თა­ნამ­დებობიდან ათავისუფლებს სამინისტროს საშტატო ნუსხით გა­თ­ვალისწინებულ საჯარო მოსამსახურეებს, მმართველობის სფე­როს მიკუთვნებული საჯარო სამართლის იურიდიული პირების ხელ­მძღვანელებს, გარდა კანონით გათვალისწინებული შემთხვევე­ბისა;

ე) საქართველოს პრემიერ-მინისტრს წარუდგენს წინადადე­ბებს სამინისტროს წლიური ბიუჯეტის შემოსავლისა და გასავ­ლის საკითხებზე, აუცილებლობის შემთხვევაში – დამატებითი ბიუ­ჯეტის პროექტზე, იღებს გადაწყვეტილებებს საბიუჯეტო სახს­რების მიზნობრივი გამოყენების თაობაზე და პასუხისმგებელია ბიუ­ჯეტის ზუსტად და მიზანშეწონილად შესრულებისათვის;

ვ) ამტკიცებს სამინისტროს ცენტრალური აპარატის სტრუქ­ტურული ქვედანაყოფებისა და კანონმდებლობით განსაზღვრულ შემ­თხვევებში – საჯარო სამართლის იურიდიული პირების დებუ­ლებებს;  

ზ) წარმოადგენს სამინისტროს ან ანიჭებს სამინისტროს თანამშრომლებს საქართველოს სასამართლოებში წარმომადგენ­ლო­ბის უფლებამოსილებას;

თ) განსაზღვრავს მინისტრის პირველი მოადგილის, მოად­გილეებისა და სტრუქტურული ქვედანაყოფების ხელმძღვანელთა პასუხისმგებლობას სამინისტროს საქმიანობის ცალკეულ მიმარ­თულებათა მართვის სფეროში;

ი) დადგენილი წესით წარადგენს სამინისტროს მოსამსახუ­რეებს საქართველოს სახელმწიფო ჯილდოების მისანიჭებლად;

კ) უფლებამოსილია შექმნას საკონკურსო-საატესტაციო კო­მი­სია;

ლ) დადგენილი წესით იღებს გადაწყვეტილებას სამინის­ტროს სისტემაში შემავალ მოხელეთა წახალისებისა და დისციპ­ლინური პასუხისმგებლობის შესახებ;

მ) ამტკიცებს სამინისტროს შინაგანაწესს;

ნ) პასუხს აგებს სამინისტროსათვის გადაცემული სახელმ­წიფო ქონებისა და ფინანსური სახსრების მიზნობრივი გამოყენე­ბისათვის;

ო) განსაზღვრავს ფულადი ჯილდოს, პრემიის, აგრეთვე, გან­სა­კუთ­რებულ შემთხვევებში, ერთჯერადი დახმარების რაოდე­ნო­ბას;

პ) საქართველოს პრემიერ-მინისტრს წარუდგენს სამინისტროს საქმიანობის ანგარიშს;

ჟ) მონაწილეობს საქართველოს მთავრობის სხდომებში;

რ) ითანხმებს აჭარის ავტონომიური რესპუბლიკის სოფლის მეურნეობის  მინისტრის დანიშვნას;

ს) სამსახურებრივი ზედამხედველობის განხორ­ციე­ლებისას გა­მოსცემს ინდივიდუალურ ადმინისტრაციულ-სამართ­ლებ­­რივ აქ­ტებს.“.    

2. მე-6 მუხლის ,,გ“ ქვეპუნქტი ამოღებულ იქნეს. 

3. მე-9 მუხლი ამოღებულ იქნეს.

4. მე-10 მუხლის მე-3 პუნქტს დაემატოს შემდეგი შინაარსის ,,დ“ ქვეპუნქტი:

„დ) სურსათის ეროვნული სააგენტო.“.

მუხლი 2. დადგენილება ამოქმედდეს გამოქვეყნებისთანავე.

პრემიერ-მინისტრი                                                                                                 ნ. გილაური