"აბაშის მუნიციპალიტეტის გამგეობის დებულების დამტკიცების შესახებ" აბაშის მუნიციპალიტეტის საკრებულოს 2010 წლის 29 ოქტომბრის №21 დადგენილებაში ცვლილებების შეტანის თაობაზე

აბაშის მუნიციპალიტეტის საკრებულოს

დადგენილება №1

2011 წლის 18 იანვარი

ქ. აბაშა

„აბაშის მუნიციპალიტეტის გამგეობის დებულების დამტკიცების შესახებ“ აბაშის მუნიციპალიტეტის საკრებულოს 2010 წლის 29 ოქტომბრის №21 დადგენილებაში ცვლილებების შეტანის თაობაზე

 „ადგილობრივი თვითმმართველობის შესახებ“ საქართველოს ორგანული კანონის 43-ე მუხლისა და „ნორმატიული აქტების შესახებ“ საქართველოს კანონის მე-20 მუხლის შესაბამისად, აბაშის მუნიციპალიტეტის საკრებულომ დაადგინა:

1. აბაშის მუნიციპალიტეტის გამგეობის დებულების დამტკიცების შესახებ“ აბაშის მუნიციპალიტეტის საკრებულოს 2010 წლის 29 ოქტომბრის №21 დადგენილებაში შეტანილ იქნეს შემდეგი ცვლილებები:

ა) დადგენილებით დამტკიცებული დებულების მე-8 მუხლის 1-ლი პუნქტის „ქ“ ქვეპუნქტი შეიცვალოს და ჩამოყალიბდეს ახალი რედაქციით:

„ქ) ქმნის და ხელმძღვანელობს მუნიციპალიტეტის სატენდერო კომისიას; უფლებამოსილია მიიღოს გადაწყვეტილება „სახელმწიფო შესყიდვების შესახებ“ საქართველოს კანონის 10¹ მუხლით გათვალისწინებულ შემთხვევებში გამარტივებული შესყიდვის პროცედურების განხორციელების შესახებ, ან მისი განხორციელების უფლება მიანიჭოს გამგებელს ან სხვა თანამდებობის პირს საქართველოს კანონმდებლობით დადგენილი წესით“.

ბ) დადგენილებით დამტკიცებული დებულების მე-9 მუხლის მე-3 პუნქტის „ვ“ ქვეპუნქტი შეიცვალოს და ჩამოყალიბდეს ახალი რედაქციით:

„ვ) საკრებულოს თავმჯდომარის მიერ საქართველოს კანონმდებლობით დადგენილი წესით მინიჭებული უფლებამოსილებების ფარგლებში, „სახელმწიფო შესყიდვების შესახებ“ საქართველოს კანონის 10¹ მუხლით გათვალისწინებულ შემთხვევებში ახორციელებს გამარტივებული შესყიდვის პროცედურებს, თანამდებობრივად არის მუნიციპალიტეტის სატენდერო კომისიის წევრი; “.

2. დადგენილება ამოქმედდეს „ნორმატიული აქტების შესახებ” საქართველოს კანონის შესაბამისად, გამოქვეყნებისთანავე.

საკრებულოს თავმჯდომარე დ. თოფურია