თელავის მუნიციპალიტეტის ტერიტორიაზე არასასოფლო-სამეურნეო დანიშნულების მიწაზე ქონების გადასახადის განაკვეთების დამტკიცების შესახებ

თელავის მუნიციპალიტეტის საკრებულოს

დადგენილება №2

 2011 წლის 11 იანვარი

 ქ. თელავი

თელავის მუნიციპალიტეტის ტერიტორიაზე არასასოფლო-სამეურნეო დანიშნულების მიწაზე ქონების გადასახადის განაკვეთების დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „მ“ ქვეპუნქტის და საქართველოს საგადასახადო კოდექსის 204-ე მუხლის მე-2 პუნქტის თანახმად,

1. თელავის მუნიციპალიტეტის ტერიტორიაზე არასასოფლო- სამეურნეო დანიშნულების მიწის 1 კვ.მ-ზე ქონების გადასახადის ოდენობა განისაზღვროს მისი საბაზისო და ტერიტორიული კოეფიციენტის ნამრავლით – C x I t l,

სადაც: ა) C= 0,24 ლარს;

ბ) I t l – ცენტრალური ზონისთვის დადგინდეს 1.3;

შუალედური ზონისთვის დადგინდეს 1;

პერიფერიული ზონისთვის დადგინდეს 0.7;

2. დადგინდეს ქონების გადასახადი არასასოფლო-სამეურნეო დანიშნულების მიწის ერთ კვადრატულ მეტრზე ზონირების მიხედვით:

ა) ცენტრალურ ზონაში 0,312 ლარი;

ბ) შუალედურ ზონაში 0,24 ლარი;

გ) პერიფერიულ ზონაში 0,168 ლარი;

დ) თელავის მუნიციპალიტეტის ადმინისტრაციულ საზღვრებში შემავალ დანარჩენ ტერიტორიაზე 0.168 ლარი.

 3. დადგენილების ძალაში შესვლის დღიდან ძალადაკარგულად გამოცხადდეს თელავის მუნიციპალიტეტის საკრებულოს 2007 წლის 26 ნოემბრის №99 დადგენილება „თელავის მუნიციპალიტეტის ტერიტორიაზე არასასოფლო-სამეურნეო დანიშნულების მიწაზე ქონების გადასახადის შემოღების შესახებ“.

4. დადგენილება ძალაშია გამოქვეყნებისთანავე.

5. დადგენილების გასაჩივრება შესაძლებელია თელავის რაიონულ სასამართლოში (ქ. თელავი, დ. აღმაშენებლის გამზ. №41) უშუალო ზიანის მიყენებიდან სამი თვის ვადაში.          

საკრებულოს თავმჯდომარის მოვალეობის

შემსრულებელი, თავმჯდომარის მოადგილე ზ. ბუცხრიკიძე