დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საქართველოს პარლამენტის წევრის სტატუსის შესახებ“ საქართველოს კანონში ცვლილებებისა და დამატებების შეტანის თაობაზე | |
---|---|
დოკუმენტის ნომერი | 2096 |
დოკუმენტის მიმღები | საქართველოს პარლამენტი |
მიღების თარიღი | 09/06/1999 |
დოკუმენტის ტიპი | საქართველოს კანონი |
გამოქვეყნების წყარო, თარიღი | სსმ, 24(31), 26/06/1999 |
ძალის დაკარგვის თარიღი | 16/12/2018 |
სარეგისტრაციო კოდი | 010.190.040.05.001.000.587 |
საქართველოს კანონი
„საქართველოს პარლამენტის წევრის სტატუსის შესახებ“ საქართველოს კანონში ცვლილებებისა და დამატების შეტანის თაობაზე
საქართველოს პარლამენტი ადგენს:
I.' ,,საქართველოს პარლამენტის წევრის სტატუსის შესახებ” საქართველოს კანონში (პარლამენტის უწყებანი, №13-14, 8.04.1998) შეტანილ იქნეს შემდეგი ცვლილებები და დამატება:
1. მე-18 მუხლის მე-6 პუნქტში სიტყვები „(რომელიც იყო პარლამენტის წევრი სრული უფლებამოსილების ვადით)“ შეიცვალოს სიტყვებით „(რომელიც სრული საპარლამენტო ვადის არანაკლებ ექვსი თვე იყო პარლამენტის წევრი და მისი უფლებამოსილების ვადა არ შეწყვეტილა ამ კანონის მე-4 მუხლის მე-2 პუნქტით განსაზღვრული საფუძვლებით)“.
2. 25-ე მუხლის:
ა) სათაური ჩამოყალიბდეს შემდეგი რედაქციით:
„მუხლი 25. საპენსიო უზრუნველყოფა და გარანტიები“;
ბ) პირველი პუნქტი ჩამოყალიბდეს შემდეგი რედაქციით:
,,1. პარლამენტის ყოფილ წევრს, რომელიც სრული საპარლამენტო ვადის არანაკლებ ექვსი თვე იყო პარლამენტის წევრი და მისი უფლებამოსილების ვადა არ შეწყვეტილა ამ კანონის მე-4 მუხლის მე-2 პუნქტით განსაზღვრული საფუძვლებით, ენიშნება პენსია და მიეცემა კომპენსაცია მოქმედი პარლამენტის წევრის შრომითი გასამრჯელოს (ხელფასის) სრული ოდენობის შესაბამისად, კანონით დადგენილი წესით.“;
გ) პირველ პუნქტს დაემატოს შემდეგი შინაარსის მე-2 პუნქტი:
,,2. პარლამენტის ყოფილი წევრის პენსიის ოდენობა იცვლება მოქმედი პარლამენტის წევრის შრომითი გასამრჯელოს (ხელფასის) ოდენობის ცვლილების შესაბამისად.“; ხოლო მე-2 პუნქტი ჩაითვალოს მე-3 პუნქტად.
II. ეს კანონი ამოქმედდეს 2000 წლის 1 იანვრიდან.
საქართველოს პრეზიდენტი
ედუარდ შევარდნაძე.
თბილისი,
1999 წლის 9 ივნისი.
№2096-IIს
დოკუმენტის კომენტარები