„ამბროლაურის მუნიციპალიტეტის გამგეობის დებულების დამტკიცების შესახებ“ ამბროლაურის მუნიციპალიტეტის საკრებულოს 2010 წლის 16 ივლისის №17 დადგენილებაში დამატების შეტანის თაობაზე

ამბროლაურის მუნიციპალიტეტის საკრებულოს

 დადგენილება №01

2011  წლის  10 იანვარი

ქ. ამბროლაური

„ამბროლაურის მუნიციპალიტეტის გამგეობის დებულების დამტკიცების შესახებ“ ამბროლაურის მუნიციპალიტეტის საკრებულოს 2010 წლის 16 ივლისის №17 დადგენილებაში დამატების შეტანის თაობაზე

მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „ამბროლაურის მუნიციპალიტეტის გამგეობის დებულების დამტკიცების შესახებ“ ამბროლაურის მუნიციპალიტეტის საკრებულოს 2010 წლის 16 ივლისის  №17 დადგენილებით (სსმ  V, 30.07.2010წ; №3; მუხ.41) დამტკიცებული დებულების მე-8 მუხლს დაემატოს შემდეგი შინაარსის მე-6 პუნქტი:

 „6. „საქართველოს საბიუჯეტო კოდექსის“ 67-ე მუხლის მე-2 ნაწილის შესაბამისად, გამგებელი მუნიციპალიტეტის ბიუჯეტის სარეზერვო ფონდიდან თანხების გამოყოფის შესახებ ბრძანებას გამოსცემს:

ა) სტიქიური მოვლენების (წყალდიდობა, ხანძარი, დიდთოვლობა, მეწყერი და ა. შ) სალიკვიდაციო სამუშაოების  დაფინანსებისათვის;

ბ) ეპიდემიის გავრცელების აღკვეთის და ეპიდემიის სალიკვიდაციო სამუშაოების  დაფინანსებისათვის;

გ) სხვადასხვა სახის კატასტროფების და გადაუდებელი ხასიათის სალიკვიდაციო სამუშაოების  დაფინანსებისათვის;

დ) საქართველოს პრეზიდენტის ან საქართველოს მთავრობის სამართლებრივი აქტების შესაბამის ვადაში შესრულებისათვის;

ე) ფუნქციონალურ-ორგანიზაციული და ეკონომიკური კლასიფიკაციის მიხედვით დამტკიცებული ბიუჯეტის გადასახდელების შევსებისათვის, თუ ობიექტური მიზეზით რომელიმე მუხლში წარმოიქმნა სახსრების დეფიციტი;

ვ) სხვა ადგილობრივი მნიშვნელობის საგანგებო ღონისძიებების დაფინანსებისათვის, თუ მისთვის გათვალისწინებული გადასახდელები ბიუჯეტში არ არის გათვალისწინებული.“

მუხლი 2. ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე                                                                                         კ. ფარჯანაძე