“ხარაგაულის მუნიციპალიტეტის ადგილობრივი თვითმმართველი ერთეულის ქონების აუქციონის ფორმით პრივატიზების წესის დამტკიცების შესახებ“ ხარაგაულის მუნიციპალიტეტის საკრებულოს 2010 წლის 6 დეკემბრის №47 დადგენილებაში ცვლილების შეტანის თაობაზე

 ხარაგაულის მუნიციპალიტეტის თვითმმართველი ერთეულის        წარმომადგენლობითი ორგანოს – საკრებულოს

დადგენილება №7

2011 წლის 3 იანვარი

დ.ხარაგაული

„ხარაგაულის მუნიციპალიტეტის ადგილობრივი თვითმმართველი ერთეულის ქონების აუქციონის ფორმით პრივატიზების წესის დამტკიცების შესახებ“ ხარაგაულის მუნიციპალიტეტის საკრებულოს 2010 წლის 6 დეკემბრის №47 დადგენილებაში ცვლილების შეტანის თაობაზე

 „ნორმატიული აქტების შესახებ“ საქართველოს კანონის მე-20 მუხლის შესაბამისად, საჭიროა

შეტანილ იქნეს ცვლილება ხარაგაულის მუნიციპალიტეტის ადგილობრივი თვითმმართველი ერთეულის ქონების აუქციონის ფორმით პრივატიზების წესის დამტკიცების შესახებ“ ხარაგაულის მუნიციპალიტეტის საკრებულოს 2010 წლის 06 დეკემბრის №47 დადგენილებაში, (სსმ V, №65 2010 წლის 17 დეკემბერი, მუხ.1963).

ხარაგაულის მუნიციპალიტეტის საკრებულო ადგენს:

    მუხლი 1

შეტანილ იქნეს ცვლილება ხარაგაულის მუნიციპალიტეტის ადგილობრივი თვითმმართველი ერთეულის ქონების აუქციონის ფორმით პრივატიზების წესის დამტკიცების შესახებ“ ხარაგაულის მუნიციპალიტეტის საკრებულოს 2010 წლის 6 დეკემბრის №47 დადგენილებაში.

1. დადგენილებით დამტკიცებული №1 დანართის მე-3 მუხლის მე-2 პუნქტი ჩამოყალიბდეს შემდეგი რედაქციით:

„2. აუქციონი უძრავ ქონებაზე ტარდება გამოცხადების დღიდან მე-15 კალენდარულ დღეს ხოლო მოძრავი ნივთის შემთხვევაში გამოცხადებიდან მე-5 დღეს იმ შემთხვევაში, როდესაც უძრავ ქონებაზე მეთხუთმეტე ხოლო მოძრავ ნივთებზე მე-5 კალენდარულ დღე ემთხვევა დასვენების დღეს, მაშინ განაცხადების მიღება გრძელდება და შეწყდება მომდევნო პირველსავე სამუშაო დღეს, იმავე საათზე;.

2. დადგენილებით დამტკიცებული №1 დანართის მე-5 მუხლის მე-7 პუნქტი ჩამოყალიბდეს შემდეგი რედაქციით:

„7.აუქციონის დამთავრების შემდეგ დგება ოქმი, ოქმს ხელს აწერს მყიდველი და სააუქციონო კომისიის თავმჯდომარე, როგორც გამყიდველის უფლებამოსილი წარმომადგენელი”.

3. დადგენილებით დამტკიცებული №1 დანართის მე-5 მუხლის მე-5 პუნქტი ჩამოყალიბდეს შემდეგი რედაქციით:

„5.პირობებით გამოცხადებული აუქციონის შემთხვევაში ადგილობრივი თვითმმართველი ერთეულის ქონების პრივატიზებისას შესაბამისი ადგილობრივი თვითმმართველი ერთეულის საკრებულოს ინიციატივით შესაძლებელია გაფორმდეს დამატებით წერილობითი ხელშეკრულება, რომელიც იდება აუქციონის ჩატარებიდან არა უგვიანეს 3 თვისა“.

4. დადგენილებით დამტკიცებული №1 დანართის მე-8 მუხლი ჩამოყალიბდეს შემდეგი რედაქციით:

„8. აუქციონის შედეგებთან დაკავშირებულ სადავო საკითხების სასარჩელო ხანდაზმულობის ვადაა 3 წელი“.

    მუხლი 2

დადგენილება ძალაში შევიდეს გამოქვეყნებისთანავე.

საკრებულოს თავმჯდომარე ა. მაჭავარიანი