"ჩხოროწყუს მუნიციპალიტეტის გამგეობის სახანძრო-სამაშველო სამსახურის დებულების დამტკიცების შესახებ" ჩხოროწყუს მუნიციპალიტეტის საკრებულოს 2010 წლის 4 ოქტომბრის №27 დადგენილებაში ცვლილებებისა და დამატების შეტანის თაობაზე

ჩხოროწყუს მუნიციპალიტეტის საკრებულოს

დადგენილება №51

2010 წლის 28 დეკემბერი

დ. ჩხოროწყუ

 „ჩხოროწყუს მუნიციპალიტეტის გამგეობის სახანძრო-სამაშველო სამსახურის დებულების დამტკიცების შესახებ“ ჩხოროწყუს მუნიციპალიტეტის საკრებულოს 2010 წლის 4 ოქტომბრის №27 დადგენილებაში ცვლილებებისა და დამატების შეტანის თაობაზე

 „ადგილობრივი თვითმმართველობის შესახებ“ საქართველოს ორგანული კანონისა და „ნორმატიული აქტების შესახებ“ საქართველოს კანონის მე-20 მუხლის შესაბამისად,

ჩხოროწყუს მუნიციპალიტეტის საკრებულომ დაადგინა:

შეტანილ იქნეს „ჩხოროწყუს მუნიციპალიტეტის გამგეობის სახანძრო-სამაშველო სამსახურის დებულების დამტკიცების შესახებ“ ჩხოროწყუს მუნიციპალიტეტის საკრებულოს 2010 წლის 4 ოქტომბრის №27 დადგენილებით დამტკიცებულ დებულებაში შემდეგი ცვლილებები და დამატება:

1. დებულების მე-2 მუხლის მე-6 პუნქტი ჩამოყალიბდეს შემდეგი რედაქციით:

„6. სახანძრო-სამაშველო დაცვის ზედამხედველობის გავრცელების სფეროში ასრულებს „სახანძრო უსაფრთხოების შესახებ“ საქართველოს კანონის მე-4 მუხლით განსაზღვრულ სხვა ფუნქციებს;“

2. დებულების მე-3 მუხლის პირველი პუნქტი ჩამოყალიბდეს შემდეგი რედაქციით:

„1. სამსახურის სტრუქტურა განისაზღვრება ამ დებულებით“.

3. დებულების მე-3 მუხლის მე-7 პუნქტი ჩამოყალიბდეს შემდეგი რედაქციით:

„7. სამსახურის სტრუქტურული ქვედანაყოფებია:

ა) ხანძარსაწინააღმდეგო ზედამხედველობის განყოფილება;

ბ) საგანგებო სიტუაციებისა და სამაშველო განყოფილება.“

4. დებულების მე-3 მუხლს დაემატოს შემდეგი შინაარსის მე-12 პუნქტი:

„12. საგანგებო სიტუაციებისა და სამაშველო განყოფილება:

ა) ახორციელებს ავარიების, კატასტროფების, სტიქიური უბედურებებისა და სხვა საგანგებო სიტუაციებით გამოწვეული შედეგების სალიკვიდაციო, საძიებო-სამაშველო და სხვა გადაუდებელ ღონისძიებებს;

ბ) უზრუნველყოფს საძიებო-სამაშველო, საავარიო-სამაშველო და საავარიო-აღდგენითი სამუშაოების შესასრულებლად საჭირო ძალებისა და საშუალებების მზადყოფნას;

გ) იღებს ზომებს საგანგებო სიტუაციების ზონების დასაცავად;

დ) უზრუნველყოფს საგანგებო სიტუაციების ადგილებიდან ადამიანთა და ქონების ევაკუაციას;

ე) ახორციელებს მოქმედი კანონმდებლობით, საკრებულოსა და საკრებულოს თავმჯდომარის სამართლებრივი აქტებით განსაზღვრულ სხვა ფუნქციებს“.

5. ეს დადგენილება ამოქმედდეს კანონმდებლობით დადგენილი წესით, გამოქვეყნებისთანავე.

საკრებულოს თავმჯდომარე                     გ. ლემონჯავა