წყალტუბოს მუნიციპალიტეტის ტერიტორიაზე მდებარე, მუნიციპალურ საკუთრებაში არსებული უძრავ-მოძრავი ქონების სარგებლობის ფორმით გადაცემის საწყისი წლიური ქირის ოდენობის განსაზღვრის შესახებ

წყალტუბოს მუნიციპალიტეტის საკრებულოს

 დ ა დ გ ე ნ ი ლ ე ბ ა №88

2010 წლის 31 დეკემბერი

ქ. წყალტუბო                                        

წყალტუბოს მუნიციპალიტეტის ტერიტორიაზე მდებარე, მუნიციპალურ საკუთრებაში არსებული უძრავ-მოძრავი ქონების სარგებლობის ფორმით გადაცემის საწყისი წლიური ქირის ოდენობის განსაზღვრის შესახებ

 „ადგილობრივი თვითმმართველობის შესახებ“ საქართველოს ორგანული კანონის 43-ე მუხლის მე-2 პუნქტის, „ადგილობრივი თვითმმართველი ერთეულის ქონების შესახებ“ საქართველოს კანონის 19⁵ მუხლის მე-3 პუნქტისა და საქართველოს ზოგადი ადმინისტრაციული კოდექსის 61-ე მუხლის 1-ლი პუნქტის შესაბამისად, წყალტუბოს მუნიციპალიტეტის საკრებულო ა დ გ ე ნ ს :

    მუხლი 1

განისაზღვროს წყალტუბოს მუნიციპალიტეტის ტერიტორიაზე მდებარე, მუნიციპალურ საკუთრებაში არსებული უძრავ-მოძრავი ქონების სარგებლობის ფორმით გადაცემის საწყისი წლიური ქირა შემდეგი ოდენობით:

1. არასასოფლო-სამეურნეო დანიშნულების მიწაზე – შესაბამის ტერიტორიულ ზონაში მოქმედი მიწის ნორმატიული ფასის 6%.

2.  სხვა უძრავ ნივთებზე – ნივთის საბაზრო ღირებულების 6%.

3. მოძრავ ნივთებზე – ნივთის საბაზრო ღირებულების 10%.

    მუხლი 2

ცნობად იქნეს მიღებული, რომ არასასოფლო-სამეურნეო დანიშნულების მიწის ნორმატიულ ფასსა და ტერიტორიული ზონების საზღვრებს განსაზღვრავს წყალტუბოს მუნიციპალიტეტის საკრებულო, მოქმედი კანონმდებლობის შესაბამისად.

    მუხლი 3

ამ დადგენილების 1-ლი მუხლის მე-2 და მე-3 პუნქტებით გათვალისწინებული ნივთების საბაზრო ღირებულება განისაზღვროს მოქმედი კანონმდებლობის შესაბამისად.

    მუხლი 4

ამ დადგენილების ამოქმედების დღიდან ძალადაკარგულად გამოცხადდეს „წყალტუბოს მუნიციპალიტეტის ტერიტორიაზე და მუნიციპალურ საკუთრებაში არსებული უძრავ-მოძრავი ქონების სარგებლობის ფორმოთ გადაცემის საწყისი წლიური ქირის ოდენობის დადგენის შესახებ“ წყალტუბოს მუნიციპალიტეტის საკრებულოს 2009 წლის 27 მარტის №17 დადგენილება.

    მუხლი  5

კონტროლი დადგენილების შესრულებაზე დაევალოს წყალტუბოს მუნიციპალიტეტის საკრებულოს სივრცით-ტერიტორიული დაგეგმარების, ეკონომიკურ საკითხთა და ინფრასტრუქტურის კომისიას (ჯ. შუღლაძე).

    მუხლი 6

დადგენილება შეიძლება გასაჩივრდეს ქუთაისის საქალაქო სასამართლოში (ქ. ქუთაისი, კუპრაძის №11), კანონმდებლობით დადგენილი წესით.

    მუხლი 7

დადგენილება ძალაში შევიდეს გამოქვეყნებისთანავე, საქართველოს კანონმდებლობით დადგენილი წესით.

საკრებულოს თავმჯდომარე                      მ. საღარეიშვილი