"ახმეტის მუნიციპალიტეტის ტერიტორიაზე სამოქმედოდ ადგილობრივი მოსაკრებლების შემოღებისა და გადახდევინების წესის შესახებ" ახმეტის მუნიციპალიტეტის საკრებულოს 2007 წლის 19 აპრილის №7 დადგენილებაში ცვლილებებისა და დამატებების შეტანის თაობაზე

ახმეტის მუნიციპალიტეტის საკრებულოს

დადგენილება №37

2010 წლის 30 დეკემბერი

ქ. ახმეტა

,,ახმეტის მუნიციპალიტეტის ტერიტორიაზე სამოქმედოდ ადგილობრივი მოსაკრებლების შემოღებისა და გადახდევინების წესის შესახებ“ ახმეტის მუნიციპალიტეტის საკრებულოს 2007 წლის 19 აპრილის №7 დადგენილებაში ცვლილებებისა და დამატებების შეტანის თაობაზე

 ,,ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის ,,მ“ ქვეპუნქტის და ,,ნორმატიული აქტების შესახებ“ საქართველოს კანონის მე-20 მუხლის საფუძველზე, ,,ახმეტის მუნიციპალიტეტის ტერიტორიაზე სამოქმედოდ ადგილობრივი მოსაკრებლების შემოღებისა და გადახდევინების წესის შესახებ“ ახმეტის მუნიციპალიტეტის საკრებულოს 2007 წლის 19 აპრილის №7 დადგენილებაში შეტანილ იქნეს შემდეგი ცვლილება:

 1. 1 ინსტრუქციის ,,მშენებლობის ნებართვისათვის ადგილობრივი სალიცენზიო მოსაკრებლის გადაანგარიშებისა და გადახდის წესის შესახებ“ მე-3 მუხლი ჩამოყალიბდეს შემდეგი რედაქციით:

,,მუხლი 3. მოსაკრებლის ოდენობა

 მოსაკრებლის წლიური ოდენობა განისაზღვრება ახლად ასაშენებელი ობიექტის პროექტით გათვალისწინებული განაშენიანების ფართის თითოეული კვადრატული მეტრისათვის 0,5 ლარის, ხოლო საკურორტო ზონაში სამრეწველო ობიექტის მშენებლობისათვის კვადრატული მეტრისათვის 3 ლარის ოდენობით, ხაზოვანი ნაგებობებისა 400 მმ-მდე დიამეტრის მილგაყვანილობის მშენებლობის ნებართვისათვის 1 გრძივ მეტრზე 0,30 ლარი, 400 მმ და მეტი დიამეტრის მილგაყვანილობის მშენებლობისათვის თხრილის სიგანისა და სიგრძის მიხედვით 1მ² 1 ლარის ოდენობით, მიწისქვეშა საკაბელო საკომუნიკაციო ხაზების მშენებლობისათვის 1 გრძივ მეტრზე 0,30 ლარი, კავშირგაბმულობის, ელექტროენერგიის საჰაერო ელექტროგადამცემი ხაზების და საჰაერო გაზგაყვანილობის მშენებლობისათვის 1 გრძივ მეტრზე 0,15 ლარი, საავტომობილო გზების მშენებლობის ნებართვისათვის 1მ² 0,30 ლარის ოდენობით“.

 3. დადგენილება ძალაშია გამოქვეყნებისთანავე.       

  საკრებულოს თავმჯდომარე  ა. მაილაშვილი