დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | “საქართველოს საზღვაო ნავსადგურებში გემის ეკიპაჟის, მგზავრთა, მათი ბარგის და ხელბარგის, ტრანსპორტის, ტვირთის რეგისტრაციის, სასაზღვრო-მიგრაციული და საბაჟო კონტროლის გაუმჯობესების ღონისძიებათა შესახებ” საქართველოს პრეზიდენტის 1997 წლის 16 სექტემბრის №522 ბრძანებულებაში დამატებების შეტანის თაობაზე | |
|---|---|
| დოკუმენტის ნომერი | 214 |
| დოკუმენტის მიმღები | საქართველოს პრეზიდენტი. |
| მიღების თარიღი | 17/05/2003 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | სსმ, 45, 19/05/2003 |
| სარეგისტრაციო კოდი | 310.040.000.05.002.002 |
საქართველოს პრეზიდენტის
ბრძანებულება №214
2003 წლის 17 მაისი
ქ. თბილისი
საქართველოს საზღვაო ნავსადგურებში გემის ეკიპაჟის, მგზავრთა, მათი ბარგის და ხელბარგის, ტრანსპორტის, ტვირთის რეგისტრაციის, სასაზღვრო-მიგრაციული და საბაჟო კონტროლის გაუმჯობესების ღონისძიებათა შესახებ” საქართველოს პრეზიდენტის 1997 წლის 16 სექტემბრის №522 ბრძანებულებაში დამატებების შეტანის თაობაზე
„საქართველოს საზღვაო ნავსადგურებში გემის ეკიპაჟის, მგზავრთა, მათი ბარგის და ხელბარგის, ტრანსპორტის, ტვირთის რეგისტრაციის, სასაზღვრო-მიგრაციული და საბაჟო-მიგრაციული და საბაჟო კონტროლის გაუმჯობესების ღონისძიებათა შესახებ” საქართველოს პრეზიდენტის 1997 წლის 16 სექტემბრის N522 ბრძანებულებაში (საქართველოს პრეზიდენტის ბრძანებულებები და განკარგულებები, 1997 წელი, №18) შეტანილ იქნეს შემდეგი დამატებები:
ბრძანებულებას დაემატოს შემდეგი შინაარსის 5.3 და 5.4 პუნქტები:
„5.3. საქართველოს საზღვაო ნავსადგურებში საბაჟო ორგანოების პასუხისმგებელ პირს უფლება აქვს საბაჟო კონტროლის განხორციელების მიზნით (გარდა სასაზღვრო-საიმიგრაციო კონტროლის ზონისა) შეუზღუდავად განახორციელოს ნავსადგურის ტერიტორიაზე და მის აკვატორიაში მყოფი საზღვაო ხომალდების და სხვა სატრანსპორტო საშუალებების, ასევე ტერიტორიაზე არსებული სასაწყობო მეურნეობების, ტერმინალების და სხვა სათავსოების საბაჟო კონტროლი.
5.4. საქართველოს საზღვაო ნავსადგურების ადმინისტრაცია ვალდებულია სრულად აღრიცხოს ნავსადგურის ტერიტორიაზე (შემოსული და გასული) საქონელი (ტვირთები) და სისტემატურად მიაწოდოს აღნიშნულზე ინფორმაცია საბაჟო ორგანოებს, (საბაჟო დეპარტამენტის მიერ დადგენილ ფორმით და ვადაში). ასევე ხელი შეუწყოს საბაჟო ორგანოებს განახორციელონ ნავსადგურის ტერიტორიაზე და მის აკვატორიაში საბაჟო კონტროლს დაქვემდებარებული საქონლის და სატრანსპორტო საშუალებების (მათ შორის საზღვაო ხომალდების) საბაჟო კონტროლი (დათვალიერება, ინვენტარიზაცია და სხვ.)”.
ე. შევარდნაძე
დოკუმენტის კომენტარები