საშიში ქიმიური ნივთიერებების უსაფრთხო გამოყენების რეგულირების საუწყებათაშორისო საბჭოს შექმნისა და დებულების დამტკიცების შესახებ

საქართველოს პრეზიდენტის

ბრძანებულება №307

2002 წლის 21 ივნისი

ქ. თბილისი

საშიში ქიმიური ნივთიერებების უსაფრთხო გამოყენების რეგულირების საუწყებათაშორისო საბჭოს შექმნისა და დებულების დამტკიცების შესახებ

ადამიანის ჯანმრთელობასა და გარემოზე მავნე ზემოქმედების აღსაკვეთად და საშიში ქიმიური ნივთიერებების უსაფრთხო გამოყენების მართვის განსახორციელებელ ღონისძიებათა კოორდინაციის მიზნით „საშიში ქიმიური ნივთიერებების შესახებ“ საქართველოს კანონის მე-9 და 51-ე მუხლების შესაბამისად:

1. საქართველოს შრომის, ჯანმრთელობისა და სოციალური დაცვის სამინისტროსთან შეიქმნას საშიში ქიმიური ნივთიერებების უსაფრთხო გამოყენების რეგულირების საუწყებათაშორისო საბჭო შემდეგი შემ ადგენლობით:

ამირან გამყრელიძე – საქართველოს შრომის, ჯანმრთელობისა და სოციალური დაცვის მინისტრი, საბჭოს თავმჯდომარე

იაგორ კალანდაძე – საქართველოს შრომის, ჯანმრთელობისა და სოციალური დაცვის მინისტრის მოადგილე, საბჭოს თავმჯდომარის მოადგილე

გია აბესაძე – საქართველოს შინაგან საქმეთა სამინისტროს ჯანმრთელობის დაცვის მთავარი სამმართველოს უფროსი

ირაკლი ბალარჯიშვილი – საქართველოს ტექნიკური ზედამხედველობის სახელმწიფო ინსპექციის ქიმიური საწარმოების ზედამხედველობის სამმართველოს უფროსი

ოთარ ბუნტური – საქართველოს შინაგან საქმეთა სამინისტროს ეკოლოგიის პოლიციის მთავარი სამმართველოს გარემოს დაბინძურებისა და წიაღის უკანონო მოპოვების წინააღმდეგ მებრძოლი განყოფილების უფროსი

მარიამ გამყრელიძე – საქართველოს სოფლის მეურნეობისა და სურსათის სამინისტროს აგროქიმიური და ნიადაგის ნაყოფიერების სამსახურის სპეციალისტი

ნია გიუაშვილი – საქართველოს შრომის, ჯანმრთელობისა და სოციალური დაცვის სამინისტროს სტანდარტიზაციის, ნორმირებისა და ლიცენზირების დეპარტამენტის ჰიგიენური ნორმირების სამმართველოს უფროსი, საბჭოს პასუხისმგებელი მდივანი

ლალი ებანოიძე – საქართველოს შრომის, ჯანმრთელობისა და სოციალური დაცვის სამინისტროს პარლამენტთან ურთიერთობისა და სამართლებრივი უზრუნველყოფის დეპარტამენტის უფროსი

ნათელა თურნავა – საქართველოს ეკონომიკის, მრეწველობისა და ვაჭრობის მინისტრის პირველი მოადგილე

ნანა სულაძე – საქართველოს სტანდარტიზაციის, მეტროლოგიისა და სერტიფიკაციის სახელმწიფო დეპარტამენტის სტანდარტიზაციისა და სერტიფიკაციის სამმართველოს წამყვანი სპეციალისტი

ფერიდე ფხაკაძე – საქართველოს ეკონომიკის, მრეწველობისა და ვაჭრობის სამინისტროს სამრეწველო საწარმოთა სახელმწიფო რეგულირებისა და კოორდინაციის დეპარტამენტის რესტრუქტურიზაციის განყოფილების უფროსი

მიხეილ ქურხული – საქართველოს შრომის, ჯანმრთელობისა და სოციალური დაცვის სამინისტროს გენერალური ინსპექციის ზედამხედველობის სამმართველოს უფროსი

ინგა ღვინერია – სააქციო საზოგადოება ნ. მახვილაძის სახელობის შრომის მედიცინისა და ეკოლოგიის სამეცნიერო კვლევითი ინსტიტუტის ტოქ სიკოლოგიური განყოფილების გამგე

ნიკოლოზ შავდია – საქართველოს შრომის, ჯანმრთელობისა და სოციალური დაცვის სამინისტროს სანიტარიული წესებისა და ნორმების სახელმწიფო ზედამხედველობის ინსპექციის უფროსი

რევაზ ჩაგელიშვილი – საქართველოს გარემოსა და ბუნებრივი რესურსების დაცვის მინისტრის მოადგილე

ალვერდ ჩანქსელიანი – საქართველოს გარემოსა და ბუნებრივი რესურსების დაცვის სამინისტროს მიწის რესურსების დაცვის, ნარჩენებისა და ქიმიურ ნივთიერებათა მართვის მთავარი სამმართველოს უფროსი

ავთანდილ ჭიჭინაძე – საქართველოს სტანდარტიზაციის, მეტროლოგიისა და სერტიფიკაციის სახელმწიფო დეპარტამენტის სტანდარტიზაციისა და სერტიფიკაციის სამმართველოს უფროსი

ზურაბ ჯავახიშვილი – საქართველოს ტექნიკური ზედამხედველობის სახელმწიფო ინსპექციის უფროსის მოადგილე.

2. დამტკიცდეს საშიში ქიმიური ნივთიერებების უსაფრთხო გამოყენების რეგულირების საუწყებათაშორისო საბჭოს თანდართული დებულება.

ე. შევარდნაძე

საშიში ქიმიური ნივთიერებების უსა ფრთხო გამოყენების რეგულირების საუწყებათაშორისო საბჭოს დებულება

თავი I

ზოგადი დებულებანი

    მუხლი 1

საშიში ქიმიური ნივთიერებების უსაფრთხო გამოყენების რეგულირების საუწყებათაშორისო საბჭო (შემდგომში – საუწყებათაშორისო საბჭო) შექმნილია „საშიში ქიმიური ნივთიერებების შესახებ“ საქართველოს კანონის მე-9 მუხლის შესაბამისად. იგი საშიში ქიმიური ნივთიერებების უსაფრთხო გამოყენების მართვის განსახორციელებელ ღონისძიებათა მაკოორდინირებელი საკონსულტაციო სათათბირო ორგანოა.

    მუხლი 2

საუწყებათაშორისო საბჭო თავის საქმიანობას წარმართავს „საშიში ქიმიური ნივთიერებების შესახებ“ საქართველოს კანონისა და ამ დებულების შესაბამისად; ხელმძღვანელობს საერთაშორისო ხელშეკრულებებითა და კონვენციებით, საქართველოს კანონებით, საქართველოს პრეზიდენტის ბრძანებულებებით და სახელმწიფო ორგანოების მიერ კანონმდებლობის საფუძველზე გამოცემული სამართლებრივი აქტებით, რომლებიც დაკავშირებულია ადამიანის ჯანმრთელობისა და გარემოს ქიმიური უსაფრთხოების საკითხებთან.

თავი II

საუწყებათაშორისო საბჭოს ამოცანები, ფუნქციები და უფლებამოსილებანი

    მუხლი 3

1. საშიში ქიმიური ნივთიერებების უსაფრთხო გამოყენების რეგულირების სფეროში საუწყებათაშორისო საბჭოს ამოცანები, ფუნქციები და უფლებამოსილებანია:

ა) კომპეტენტური სახელმწიფო ორგანოებისა და სხვა დაინტერესებული სამინისტროებისა და უწყებების, აგრეთვე, არასამთავრობო ორგანიზაციების, კერძო სამართლის იურიდიული პირების მიერ საშიში ქიმიური ნივთიერებების უსაფრთხო გამოყენების მართვის განსახორციელებელ ღონისძიებათა კოორდინაცია;

ბ) საერთაშორისო ხელშეკრულებების, შეთანხმებებისა და ეროვნული პროექტების განხილვაში მონაწილეობა, მიღებული გადაწყვეტილებების შესასრულებლად განსახორციელებელი ღონისძიებებისათვის ხელშეწყობა თანამედროვე მეცნიერული, ტექნიკური, ეკონომიკური და საკანონმდებლო ინფორმაციის საფუძველზე მომზადებული რეკომენდაციებით, სამეცნიერო-პრაქტიკული კონფერენციებისა და ტრენინგების ორგანიზებით, მოპოვებული ინფორმაციის საჯაროობით;

გ) სახელმწიფო და ადგილობრივი თვითმმართველობისა და მმართველობის ორგანოებისაგან, უწყებებისა და ორგანიზაციებისაგან სრული, დროული და ობიექტური ინფორმაციის მიღება საშიში ქიმიური ნივთიერებების გამოყენების ნებისმიერ სფეროში არსებული მდგომარეობის შესახებ და რეკომენდაციების მომზადება ქიმიური ნივთიერებების უსაფრთხო გამოყენების რეგულირების ღონისძიებათა განხორციელებისათვის ხელშესაწყობად;

დ) საუწყებათაშორისო საბჭო უფლებამოსილია მოსახლეობის ჯანმრთელობისა და გარემოს ქიმიურ უსაფრთხოებასთან დაკავშირებული პრობლემური საკითხების შესახებ სათათბიროდ (ან საკონსულტაციოდ) მოიწვიოს საჭირო სპეციალისტები;

ე) საუწყებათაშორისო საბჭო საქართველოს მოსახლეობის ჯანმრთელობის მდგომარეობის შესახებ ეროვნული მოხსენებისათვის უზრუნველყოფს ინფორმაციის მომზადებას ადამიანის ჯანმრთელობისა და გარემოს ქიმიური უსაფრთხოების თაობაზე.

თავი III

საუწყებათაშორისო საბჭოს სტრუქტურა და მართვა

    მუხლი 4

1. საუწყებათაშორისო საბჭო შედგება კანონით განსაზღვრული კომპეტენტური სახელმწიფო ორგანოების მიერ წარმოდგენილი მუდმივი წევრებისა და სხვა დაინტერესებული სამინისტროების, უწყებების, სამეცნიერო კვლევითი ინსტიტუტებისა და არასამთავრობო ორგანიზაციებიდან მოწვეული სპეციალისტებისაგან.

2. საუწყებათაშორისო საბჭოს საქმიანობას ხელმძღვანელობს საბჭოს თავმჯდომარე.

3. საუწყებათაშორისო საბჭოს მუშაობაში მონაწილეობის მისაღებად კანონით განსაზღვრული კომპეტენტური სახელმწიფო უწყებები წარმოადგენენ არანაკლებ ორ-ორ კანდიდატურას.

4. საბჭო უფლებამოსილია გამართოს სამუშაო სხდომა წევრთა სიითი შემადგენლობის 2/3 -ის დასწრებისას.

5. საუწყებათაშორისო საბჭოს გადაწყვეტილების მისაღებად საჭიროა წევრთა სიითი რაოდენობის 50 პროცენტი პლუს 1 ხმის დაგროვება. ხმათა თანაბრობის შემთხვევაში გადამწყვეტია საბჭოს თავმჯდომარის ხმა.

6. საბჭოს სხდომები იმართება კვარტალში ერთხელ და საჭიროებისამებრ.

7. საბჭოს თავმჯდომარის არყოფნის შემთხვევაში სხდომას წარმართავს საბჭოს თავმჯდომარის მოადგილე.

8. საუწყებათაშორისო საბჭოს გადაწყვეტილება ფორმდება ოქმის სახით, რომელსაც ხელს აწერენ საბჭოს თავმჯდომარე და მდივანი.