საქართველოს ადმინისტრაციულ სამართალდარღვევათა კოდექსში ცვლილებებისა და დამატების შეტანის შესახებ

საქართველოს კანონი

საქართველოს ადმინისტრაციულ სამართალდარღვევათა კოდექსში ცვლილებებისა და დამატების შეტანის შესახებ

 მუხლი 1. საქართველოს ადმინისტრაციულ სამართალდარღვევათა კოდექსში (საქართველოს სსრ უმაღლესი საბჭოს უწყებები, №12,          1984 წელი, მუხ. 421) შეტანილ იქნეს ცვლილებები და დამატება:

1. 96⁴ მუხლის პირველი ნაწილი ჩამოყალიბდეს შემდეგი რედაქციით:

„1. სამელიორაციო სისტემიდან სარწყავი წყლის დატაცება –

გამოიწვევს ფიზიკური პირის დაჯარიმებას ორას ორმოცდაათი ლარით, იურიდიული პირის დაჯარიმებას ხუთასი ლარით.“.

2. 208-ე მუხლი ჩამოყალიბდეს შემდეგი რედაქციით:

     „მუხლი 208. რაიონის (ქალაქის) სასამართლოს განსჯადი ადმინისტრაციულ სამართალდარღვევათა საქმეები

რაიონის (ქალაქის) სასამართლო განიხილავს ადმინისტრაციულ სამართალდარღვევათა საქმეებს, რომლებიც გათვალისწინებულია ამ კოდექსის 42¹ და 42² მუხლებით, 43-ე მუხლის მე-2 ნაწილით, 44-ე–44³, 44⁵, 44⁷–44¹⁰, 45-ე–49¹, 50¹–55⁴, 56-ე, 57-ე–69-ე, 71-ე–78-ე, 79¹–82¹,   84-ე–86-ე, 88-ე–89³, 91², 94-ე, 95-ე, 97-ე–100², 103¹–105¹ და 105⁴ მუხლებით, 127¹ მუხლის მე-5 ნაწილით, 128¹, 128², 143-ე–144¹, 144³–144⁵, 144¹⁰, 145-ე, 146¹, 148-ე, 150-ე–151-ე, 152-ე, 152²–153¹, 153³–154³, 155¹–156-ე, 157¹–158¹, 159-ე–159⁹, 163-ე, 164-ე, 164⁴, 165¹–165³, 166-ე, 167-ე და 170-ე მუხლებით, 171-ე მუხლის მე-3 ნაწილით, 171¹, 172⁴, 172⁵, 173⁴, 173⁶, 173⁷, 173⁹, 173¹⁰, 173¹¹, 173¹², 174¹, 174⁵, 174⁸–174¹⁴, 175¹, 175², 177⁸, 177⁹, 177¹¹, 178-ე, 179¹–183-ე, 187-ე–187², 189-ე, 191-ე (გარდა 191-ე მუხლის პირველი და 1¹ ნაწილებისა), 192-ე, 195-ე, 196²–196⁶ და 197¹ მუხლებით.“.

3. კოდექსს დაემატოს შემდეგი შინაარსის 223¹ მუხლი:

     „მუხლი 223¹. პირველადი წყალმოსარგებლეები

ამ კოდექსის 96⁴ მუხლით გათვალისწინებული ადმინისტრაციული სამართალდარღვევის საქმეს ადგილზე განიხილავს და სამართალდამრღვევს ადგილზევე შეუფარდებს ადმინისტრაციულ სახდელს პირველადი წყალმოსარგებლეების მიერ უფლებამოსილი პირი.“.

 მუხლი 2. ეს კანონი ამოქმედდეს 2011 წლის 3 იანვრიდან.

საქართველოს პრეზიდენტი                  მ. სააკაშვილი

თბილისი,

2010 წლის 17 დეკემბერი.

№4141-რს