თურქმენეთსა და ავღანეთში საქართველოს საელჩოს შექმნის შესახებ

საქართველოს პრეზიდენტის

ბრძანებულება №269

2002 წლის 31 მაისი

 ქ. თბილისი

თურქმენეთის რესპუბლიკასა და ავღანეთში საქართველოს საელჩოს შექმნის შესახებ

1. შეიქმნას საქართველოს საელჩო თურქმენეთსა და ავღანეთში 5 დიპლომატის შემადგენლობით.

2. დაევალოთ საქართველოს საგარეო საქმეთა სამინისტროსა (ი.მენაღარიშვილი) და ფინანსთა სამინისტროს (მ.გოგიაშვილი):

ა) 2002 წლისათვის საელჩოს შესანახი ხარჯთა ნუსხის შედგენა, დამტკიცება და წლის ბოლომდე დასაფინანსებლად საჭირო სახსრების გამოყოფა;

ბ) საელჩოს შესანახი ხარჯების გათვალისწინება 2003 და შემდგომი წლების სახელმწიფო ბიუჯეტის შედგენისას იმ ფარგლებში, რომ საელჩომ შეძლოს ნორმალური ფუნქციონირება.

3. საქართველოს საგარეო საქმეთა სამინისტრომ განახორციელოს თურქმენეთისა და ავღანეთის მხარესთან საელჩოს შექმნასთან დაკავშირებული სამუშაოები და წარმომადგენლობის დაკომპლექტება სათანადო კადრებით.

4. ძალადაკარგულად ჩაითვალოს საქართველოს პრეზიდენტის 1996 წლის 11 თებერვლის №167 ბრძანებულება „თურქმენეთის რესპუბლიკაში საქართველოს საელჩოს დაარსების შესახებ“.

ე. შევარდნაძე