საქართველოსა და საერთაშორისო განვითარების ასოციაციას შორის 2001 წლის 5 ნოემბერს ხელმოწერილი საგრანტო ხელშეკრულებების – ,,სოციალური დაცვის რეფორმის პროექტი" და ,,სოციალური ინვესტიციების ფონდის მეორე პროექტი" – დამტკიცებისა და ძალაში შესვლის შესახებ

საქართველოს პრეზიდენტის

ბრძანებულება №256

2002 წლის 23 მაისი

ქ. თბილისი

საქართველოსა და საერთაშორისო განვითარების ასოციაციას შორის 2001 წლის 5 ნოემბერს ხელმოწერილი საგრანტო ხელშეკრულებების – „სოციალური დაცვის რეფორმის პროექტი“ და „სოციალური ინვესტიციების ფონდის მეორე პროექტი“ – დამტკიცებისა და ძალაში შესვლის შესახებ

1. საქართველოსა და საერთაშორისო განვითარების ასოცოაციას შორის ხელმოწერილი საგრანტო ხელშეკრულებების ძალაში შესვლის მიზნით დამტკიცდეს „სოციალური დაცვის რეფორმის პროექტი“ და „სოციალური ინვესტიციების ფონდის მეორე პროექტი“.

2. საქართველოს საგარეო საქმეთა სამინისტრომ (ი. მენაღარაშვილი):

ა) აცნობოს საქართველოს პარლამენტს საქართველოსა და საერთაშორისო განვითარების ასოციაციას შორის ამ ბრძანებულების პირველ პუნქტში აღნიშნული საგრანტო ხელშეკრულებების დადება;

ბ) შეატყობინოს საერთაშორისო განვითარების ასოციაციას ბრძანებულების პირველ პუნქტში აღნიშნული საგრანტო ხელშეკრულებების ძალაში შესვლისათვის საჭირო საქართველოს შიდასახელმწიფოებრივი სამართლებრივი პროცედურის შესრულება.

ე. შევარდნაძე