ლაგოდეხის მუნიციპალიტეტის საკრებულოს 2010 წლის 14 სექტემბრის №26 დადგენილებაში "ლაგოდეხის მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ" ცვლილებების და დამატებების შეტანის თაობაზე

ლაგოდეხის მუნიციპალიტეტის საკრებულოს

 დადგენილება №43

2010 წლის 28 დეკემბერი

ქ. ლაგოდეხი

ლაგოდეხის მუნიციპალიტეტის საკრებულოს 2010 წლის 14 სექტემბრის №26 დადგენილებაში ,,ლაგოდეხის მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ’’ ცვლილებების და დამატებების შეტანის თაობაზე

  „ნორმატიული აქტების შესახებ“ საქართველოს კანონის მე-20 მუხლის შესაბამისად, ლაგოდეხის მუნიციპალიტეტის საკრებულო ა დ გ ე ნ ს:

1. შეტანილ იქნეს ცვლილებები და დამატებები ლაგოდეხის მუნიციპალიტეტის საკრებულოს 2010 წლის 14 სექტემბრის №26 დადგენილებაში ,,ლაგოდეხის მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ’’.

2. დებულების მე-6 მუხლის ,,ბ’’ ქვეპუნქტი ჩამოყალიბდეს შემდეგი რედაქციით:

 ,,ბ)  ახორციელებს მოქალაქეთა განცხადებების აღრიცხვას, რეგისტრაციას, მათზე რეაგირების უზრუნველყოფას;’’.

3. დებულების მე-7 მუხლს დაემატოს შემდეგი შინაარსის ,,ა¹’’ ქვეპუნქტი:

 ,,ა¹)  ახორციელებს გამგეობაში ერთიანი საქმისწარმოების ორგანიზებას, შემოსული და გასული ოფიციალური კორესპონდენციების და წერილების აღრიცხვას, რეგისტრაციას, დანიშნულებისამებრ განსახილველად გადაცემას;’’.

4. ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე              გ. გოზალიშვილი