„ქ. თბილისში სათამაშო ბიზნესის მოსაკრებლის შემოღების თაობაზე" ქალაქ თბილისის საკრებულოს 2007 წლის 22 იანვრის №1-3 გადაწყვეტილებაში ცვლილებების შეტანის შესახებ

ქ. თბილისის საკრებულოს

გადაწყვეტილება №14-7 6

2010 წ ლის 27 დეკემბერი 

ქ. თბილისი

„ქ. თბილისში სათამაშო ბიზნესის მოსაკრებლის შემოღების თაობაზე“ ქალაქ თბილისის საკრებულოს 2007 წლის 22 იანვრის № 1-3 გადაწყვეტილებაში ცვლილებების შეტანის შესახებ

1. „ნორმატიული აქტების შესახებ“ საქართველოს კანონის მე-20 მუხლის, „საქართველოს დედაქალაქის – თბილისის შესახებ“ საქართველოს კანონის მე-12 მუხლის „ი“ ქვეპუნქტის და „სათამაშო ბიზნესის მოსაკრებლის შესახებ“ საქართველოს კანონის თანახმად, ქ. თბილისის საკრებულომ გადაწყვიტა, შეტანილ იქნეს ცვლილებები „ ქ. თბილისში სათამაშო ბიზნესის მოსაკრებლის შემოღების თაობაზე“ ქალაქ თბილისის საკრებულოს 2007 წლის 22 იანვრის № 1-3 გადაწყვეტილებაში და პირველი პუნქტის „ გ“ და „ დ“ ქვეპუნქტები ჩამოყალიბდეს შემდეგი რედაქციით:

„ გ) თითოეულ სათამაშო აპარატზე – 3 000 ლარი კვარტალში;

დ) ტოტალიზატორის, ბინგოს, ლოტოს თითოეულ სალაროზე – 7 500 ლარი კვარტალში.“

2. გადაწყვეტილება ძალაშია 2011 წლის 1 იანვრიდან.

საკრებულოს თავმჯდომარე  ზ. სამადაშვილი