"ქობულეთის თავისუფალი ტურისტული ზონის განვითარების ხელშეწყობის შესახებ" საქართველოს კანონში ცვლილებების შეტანის თაობაზე

საქართველოს კანონი

„ქობულეთის თავისუფალი ტურისტული ზონის განვითარების ხელშეწყობის შესახებ“ საქართველოს კანონში ცვლილებების შეტანის თაობაზე

მუხლი 1. „ქობულეთის თავისუფალი ტურისტული ზონის განვითარების ხელშეწყობის შესახებ“ საქართველოს კანონში (საქართველოს საკანონმდებლო მაცნე, №59, 02.11.2010, მუხ. 375) შეტანილ იქნეს შემდეგი ცვლილებები:

1. კანონის სათაური ჩამოყალიბდეს შემდეგი რედაქციით:

„ქობულეთისა და ანაკლიის თავისუფალი ტურისტული ზონების განვითარების ხელშეწყობის შესახებ“.

2. პირველი და მე-2 მუხლები ჩამოყალიბდეს შემდეგი რედაქციით:

     „მუხლი 1. კანონის მიზანი

ამ კანონის მიზანია საქართველოში ტურიზმის განვითარება და მეწარმეობის ხელშეწყობა, რისთვისაც ეს კანონი ადგენს პირობებს ქობულეთის მუნიციპალიტეტისა და ზუგდიდის მუნიციპალიტეტის სოფელ ანაკლიის ტერიტორიებზე სასტუმროების მშენებლობისა და ფუნქციონირებისათვის, ასევე საგადასახადო და სხვა შეღავათებს.

    მუხლი 2. კანონის მოქმედების სფერო

ეს კანონი ვრცელდება №1 დანართში მითითებული კოორდინატების შესაბამისად ქობულეთის მუნიციპალიტეტის ტერიტორიაზე და №2 დანართში მითითებული კოორდინატების შესაბამისად ზუგდიდის მუნიციპალიტეტის სოფელ ანაკლიის ტერიტორიაზე არსებულ მიწის ნაკვეთებზე.“.

3. კანონის დანართი ჩაითვალოს №1 დანართად და დაემატოს №2 დანართი (თან ერთვის).

მუხლი 2. ეს კანონი ამოქმედდეს გამოქვეყნებისთანავე.

საქართველოს პრეზიდენტი    მ. სააკაშვილი

თბილისი,

2010 წლის 17 დეკემბერი.

№4123–რს

დანართი №2 

კოორდინატები

კოორდინატთა სისტემა WGS 84

პროექცია UTM 37N

6 ნაკვეთი საერთო ფართობით 36822.6 კვ. მ