დაბა წყნეთის ტერიტორიაზე უკანონოდ ხეების ჭრისა და მიწათსარგებლობაში სახელმწიფოებრივი წესრიგის დამყარების შესახებ

სახელმწიფო სარგეისტარციო კოდი 390.050.000.05.002.002.

საქართველოს პრეზიდენტის

ბრძანებულება №13

2002 წლის 12 იანვარი

ქ. თბილისი

დაბა წყნეთის ტერიტორიაზე უკანონოდ ხეების ჭრისა და მიწათსარგებლობაში სახელმწიფოებრივი წესრიგის დამყარების შესახებ

დაბა წყნეთის ტერიტორიაზე უკანონოდ ხეების ჭრისა და მიწათ­სარგებლობაში სახელმწიფოებრივი წესრიგის დამყარების შესახებ საქარ­თველოს პრეზიდენტის ბრძანებულებებისა და საქართველოს სახელმწიფო მინისტრის ბრძანებების შესრულების მიმდინარეობის თაობაზე საქარ­თველოს კონტროლის პალატის ინფორმაციის გათვალისწინებით დაბა წყნე­თის ტერი­ტორიაზე უკანონოდ ხეების ჭრისა და მიწათსარგებლობაში სახელმწიფოებრივი წესრიგის დამყარების მიზნით:

1. საქართველოს ურბანიზაციისა და მშენებლობის სამინისტრომ (მ. ჩხე­­ნკელი), გარემოსა და ბუნებრივი რესურსების დაცვის სამინისტრომ (ნ.ჩხო­ბაძე), ქ. თბილისის მერიამ (ი.ზოდელავა), გარდაბნის რაიონის გამგეობამ (ნ.ფე­­რიაშვილი), მიწის მართვის სახელმწიფო დეპარტამენტმა (ზ.გეგეჭკორი) და სატყეო მეურნეობის სახელმწიფო დეპარტამენტმა (გ. ჯაფარიძე) სამ თვეში უზრუნველყონ დაბის საზღვრებში მოქცეულ ტერიტორიაზე გაცემული მიწის ნაკვეთების, უკანონოდ გაჩეხილი ხე-ტყის, საცხოვრებელი და სხვა დანიშნულების შენობა-ნაგებობების ინვენტარი­ზაცია და სრულყოფილი მასალების წარდგენა საქართველოს მიწის გამო­ყენებისა და დაცვის სახელ­მწიფო კომისიაში.

2. საქართველოს გარემოსა და ბუნებრივი რესურსების დაცვის სამი­ნისტრომ, ქ. თბილისის მერიამ, გარდაბნის რაიონის გამგეობამ, მიწის მართვის სახელმწიფო დეპარტამენტმა და სატყეო მეურნეობის სახელ­მწიფო დეპარტამენტმა ორ თვეში უზრუნველყონ, თავიანთი კომპეტენციის ფარგლებ­ში, დაბა წყნეთის მონაკვეთში ქ. თბილისის ადმინისტრაციული საზღვრის დადგენისათვის მოქმედი კანონმდებლობით გათვალის­წინებუ­ლი შესაბამისი წი­ნა­ს­­წარი პროცედურების შესრულება და სათანადო დო­კუ­მენ­ტების წარ­მოდგენა.

3. საქართველოს მიწის გამოყენებისა და დაცვის სახელმწიფო კომისიამ თავისი უფლებამოსილების ფარგლებში:

ა) კანონმდებლობის დარღვევის შემთხვევაში ამ ბრძანებულების პირ­ველ პუნქტში დასახელებული უწყებების მიერ მოპოვებული მასალის საფუძ­ველზე განახორციელოს კანონმდებლობით მინიჭებული მოქმე­დებები;

ბ) განიხილოს და გადაწყვიტოს ინდივიდუალური სარგებლობი­სათვის საქართველოს სახელმწიფო ტყის ფონდიდან გამოყოფილი და დღევანდელი მდგომარეობით აუთვისებელი, ხშირი ნარგავებით დაკავე­ბული ფართობის შემდგომი გამოყენების მიზანშეწონილობის ან მონაცვლეობის საკითხი;

გ) განიხილოს და გადაწყვიტოს სახელმწიფო ტყის ფონდიდან გამო­ყო­ფილი მიწის ნაკვეთების სარგებლობის, გამოყენებისა და დაცვის კანონ­მდებლობის დარღვევის ფაქტები და იურიდიულ და ფიზიკურ პირებს შეუწყვიტოს მიწათსარგებლობის უფლება. საჭიროების შემთხვევაში, მასალები გადასცეს სამართალდაცვის ორგანოებს სათანადო რეა­გი­რებისათვის;

დ) დაუწესოს მკაცრი კონტროლი კომისიის სხდომებზე მიღებულ გადაწ-ყვეტილებებსა და დავალებების შესრულების მიმდინარეობას.

4. საქართველოს გარემოსა და ბუნებრივი რესურსების დაცვის სამინის­ტრომ და შინაგან საქმეთა სამინისტროს ეკოპოლიციის მთავარმა სამმარ­თველომ, სატყეო მეურნეობის სახელმწიფო დეპარტამენტმა დაბა წყნეთის გამგეობასთან ერთად გააძლიერონ დაბა წყნეთსა და მის მიმდებარე ტერი­ტორიებზე სახელმწიფო კონტროლი, არ დაუშვან მწვანე ნარგაობის გაჩეხვა-დაზიანებისა და მიწის ნაკვეთების მიტაცების ფაქტები. კანონის დამრღვევთა მიმართ ოპერატიულად გაატარონ კანონმდებლო­ბით გათვალისწინებული ღონისძიებები.

5. ეთხოვოს საქართველოს გენერალურ პროკურორს ნ. გაბრიჩიძეს შეისწავ­ლოს სამართალდაცვის ორგანოებისათვის გადაცემული და რეაგირების გარეშე დარჩენილი საქმეები ხე-ტყის უკანონოდ ჭრის, მიწის მიტაცების თა­ო­ბაზე, მათთან დაკავშირებული სამართალდარღვევები და მიიღოს შესა­ბამისი ზომები.

ე. შევარდნაძე