„სამხედრო და შინაგანი ორგანოების სამსახურებიდან თადარიგში დათხოვნილ პირთა და მათი ოჯახის წევრთა საპენსიო უზრუნველყოფის შესახებ" საქართველოს კანონში ცვლილებისა და დამატებების შეტანის შესახებ

საქართველოს კანონი

„სამხედრო და შინაგან საქმეთა ორგანოების სამსახურებიდან თადარიგში დათხოვნილ პირთა და მათი ოჯახის წევრთა საპენსიო უზრუნველყოფის შესახებ” საქართველოს კანონში ცვლილებისა და დამატებების შეტანის თაობაზე

საქართველოს პარლამენტი ადგენს:

I. „სამხედრო და შინაგან საქმეთა ორგანოების სამსახურებიდან თადარიგში დათხოვნილ პირთა და მათი ოჯახის წევრთა საპენსიო უზრუნველყოფის შესახებ” საქართველოს კანონში (პარლამენტის უწყებანი, №27-28/4, 21 ნოემბერი 1996) შეტანილ იქნეს შემდეგი ცვლილება და დამატებები:

1. პირველი მუხლის „ა” ქვეპუნქტში სიტყვების „სახელმწიფო უშიშროების ორგანოებში” შემდეგ დაემატოს სიტყვები „დაზვერვის სახელმწიფო დეპარტმენტში.”

2. მე-9 მუხლის პირველ პუნქტში სიტყვების „საქართველოს სახელმწიფო საზღვრის დაცვის სახელმწიფო დეპარტამენტის” შემდეგ დაემატოს სიტყვები „საქართველოს დაზვერვის სახელმწიფო დეპარტამენტის”.

3. მე-16 მუხლის პირველ პუნქტში სიტყვების „სახელმწიფო უშიშროების ორგანოებში სამსახური;” შემდეგ დაემატოს სიტყვები „დაზვერვის სახელმწიფო დეპარტამენტში სამსახური;”, სიტყვების „სამხედრო სამსახურში ან შინაგან საქმეთა და უშიშროების ორგანოებში” შემდეგ დაემატოს სიტყვები „დაზვერვის სახელმწიფო დეპარტამენტში”, ხოლო მე-2 პუნქტში სიტყვების „და უშიშროების სამსახურის ორგანოებში” შემდეგ დაემატოს სიტყვები „დაზვერვის სახელმწიფო დეპარტამენტში.”

4. 41-ე მუხლის „ზ” ქვეპუნქტში სიტყვების „და სახელმწიფო უშიშროების ორგანოებიდან“ შემდეგ დაემატოს სიტყვები „დაზვერვის სახელმწიფო დეპარტამენტიდან”.

5. 46-ე მუხლში სიტყვების „სახელმწიფო უშიშროების სამინისტროების” შემდეგ დაემატოს სიტყვები „საქართველოს დაზვერვის სახელმწიფო დეპარტამენტის“.

6. 47-ე მუხლის პირველი პუნქტში სიტყვების „სახელმწიფო დაცვის სპეციალური სამსახურისა” შემდეგ დაემატოს სიტყვები „დაზვერვის სახელმწიფო დეპარტამენტისა”.

7. 58-ე მუხლის სათაური ჩამოყალიბდეს შემდეგი რედაქციით:

     „მუხლი 58. სამხედრო, შინაგან, სახელმწიფო უშიშროებისა და დაზვერვის ორგანოებში ხელმეორედ განწესებულ პირთათვის პენსიების გაუქმება და დანიშვნა”.

8. 58-ე მუხლის პირველ, 59-ე მუხლის მე-2 პუნქტებში და 62-ე მუხლში სიტყვების „სახელმწიფო დაცვის სპეციალური სამსახურის“ შემდეგ დაემატოს სიტყვები „დაზვერვის სახელმწიფო დეპარტამენტის“.

II. ეს კანონი ამოქმედდეს გამოქვეყნებისთანავე.

საქართველოს პრეზიდენტი ედუარდ შევარდნაძე.

თბილისი,

1999 წლის 19 მარტი.

№1851-IIს