„ხაშურის მუნიციპალიტეტის საკრებულოს სოფლის მეურნეობისა და ბუნებრივი რესურსების საკითხთა კომისიის დებულების დამტკიცების შესახებ“ ხაშურის მუნიციპალიტეტის საკრებულოს 2010 წლის 28 ივლისის №13 დადგენილებაში ცვლილების შეტანის შესახებ

სახელმწიფო სარეგისტრაციო კოდი 010.250.020.35.143.000.598

ხაშურის მუნიციპალიტეტის საკრებულოს

დადგენილება №22

2010 წლის 24 აგვისტო

ქ. ხაშური

„ხაშურის მუნიციპალიტეტის საკრებულოს სოფლის მეურნეობისა და ბუნებრივი რესურსების საკითხთა კომისიის დებულების დამტკიცების შესახებ“ ხაშურის მუნიციპალიტეტის საკრებულოს 2010 წლის 28 ივლისის №13 დადგენილებაში ცვლილების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის საფუძველზე, ხაშურის მუნიციპალიტეტის საკრებულომ დაადგინა:

1. „ხაშურის მუნიციპალიტეტის საკრებულოს სოფლის მეურნეობისა და ბუნებრივი რესურსების საკითხთა კომისიის დებულების დამტკიცების შესახებ“ ხაშურის მუნიციპალიტეტის საკრებულოს 2010 წლის 28 ივლისის №13 დადგენილებით დამტკიცებული დებულების მე-3 მუხლის მე-2 პუნქტი შეიცვალოს და ჩამოყალიბდეს შემდეგი რედაქციით:

„2. კომისიაში გაწევრიანების შესახებ საკრებულოს წევრი განცხადებით მიმართავს კომისიის თავმჯდომარეს, რომელიც ადგენს კომისიის წევრთა ერთიან სიას და წარუდგენს საკრებულოს. საკრებულო სხდომაზე დამსწრეთა ხმების უმრავლესობით, მაგრამ არანაკლებ საკრებულოს სიითი შემადგენლობის ერთი მესამედისა ამტკიცებს კომისიის შემადგენლობას.“.

2. ეს დადგენილება ამოქმედდეს კანონმდებლობით დადგენილი წესით მისი გამოქვეყნებისთანავე.

საკრებულოს თავმჯდომარე დ. ლომიძე