“საპენსიო სქემის წესების დამტკიცების შესახებ”

საქართველოს დაზღვევის სახელმწიფო ზედამხედველობის სამსახურის უფროსის

ბრძანება № 13

2000 წლის 17 მარტი

ქ. თბილისი

საპენსიო სქემის წესების დამტკიცების შესახებ

„ არასახელმწიფო საპენსიო დაზღვევისა და უზრუნველყოფის შესახებ“ საქართველოს 1998 წლის 30 ოქტომბრის კანონის მე-40 მუხლის პირველი პუნქტის „ დ“ ქვეპუნქტის მოთხოვნის შესრულების მიზნით, ვბრძანებ:

1. დამტკიცდეს „ საპენსიო სქემის წესები“ (თან ერთვის).

2. ეს ბრძანება ამოქმედდეს გამოქვეყნებისთანავე.

ა. ცერცვაძე

საპენსიო სქემის წესები

    მუხლი 1

საპენსიო სქემის წესები მომზადებულია „ არასახელმწიფო საპენსიო დაზღვევისა და უზრუნველყოფის შესახებ“ საქართველოს 1998 წლის 30 ოქტომბრის კანონის მე-40 მუხლის „ დ“ ქვეპუნქტის შესაბამისად და განსაზღვრავს საპენსიო სქემის დამფუძნებლის მიერ საპენსიო სქემის წესების შედგენის და დამტკიცების ძირითად მოთხოვნებს.

    მუხლი 2

1. საპენსიო სქემის დამფუძნებლის მიერ მომზადებული საპენსიო სქემა უნდა შეიცავდეს შემდეგ საკითხებს:

ა) საპენსიო სქემის სახე (განსაზღვრული შენატანების ოდენობით ან განსაზღვრული გასაცემი პენსიის ოდენობით);

ბ) საპენსიო სქემის დამფუძნებლის დასახელება, ადგილმდებარეობა, საბანკო რეკვიზიტები;

გ) საპენსიო სქემაში მონაწილეების ჩართვის პირობები;

დ) საპენსიო სქემის დამფუძნებელთა, მეანაბრეთა და მონაწილეთა უფლებები და მოვალეობები;

ე) საპენსიო სქემიდან მონაწილის გასვლის პირობები;

ვ) საპენსიო სქემის მონაწილის სხვა საპენსიო სქემაში გადასვლის პირობები;

ზ) საპენსიო სქემის მონაწილის საპენსიო დანაგროვზე საკუთრების უფლების და მემკვიდრეებზე ამ უფლების გადაცემის პირობები;

თ) პენსიის ოდენობის განსაზღვრის პირობები;

ი) პენსიის გაცემის პირობები;

კ) საპენსიო სქემის მონაწილის ინდივიდუალური საპენსიო ანგარიშის წარმოების და საპენსიო სქემის მონაწილის ინფორმირების პირობები;

ლ) აქტუარული გათვლების მეთოდიკა;

მ) საპენსიო დანაგროვის ფონდის ფორმირების და ხარჯვის პირობები;

ნ) საპენსიო დანაგროვის ინვესტირების წესები და პირობები (საინვესტიციო დეკლარაცია);

ო) საპენსიო სქემის დამფუძნებლის მიერ საპენსიო დანაგროვის ინდექსაციის პირობები;

პ) აქტივების მმართველი კომპანიის და სპეციალიზებული დეპოზიტარის დანიშვნის, შეცვლის და მათთვის ანაზღაურების გაცემის წესები და პირობები;

ჟ) საპენსიო სქემის მეანაბრისათვის და მონაწილისათვის საპენსიო სქემის საქმიანობის შესახებ ანგარიშის წარდგენის პირობები;

რ) საპენსიო სქემაში ცვლილებებისა და დამატებების შეტანის წესი;

ს) საპენსიო სქემის შეწყვეტის წესი.

2. საპენსიო სქემა შეიძლება შეიცავდეს სხვა მონაცემებსაც.

    მუხლი 3

საპენსიო სქემა დამოწმებული უნდა იყოს საპენსიო სქემის დამფუძნებლის ხელმოწერითა და მრგვალი ბეჭდით.