დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„ხელვაჩაურის მუნიციპალიტეტის გამგეობის საფინანსო-ეკონომიკური სამსახურის დებულების დამტკიცების შესახებ” ხელვაჩაურის მუნიციპალიტეტის საკრებულოს 2009 წლის 26 მარტის №3/3 დადგენილებაში ცვლილებების შეტანის თაობაზე" | |
---|---|
დოკუმენტის ნომერი | 25 |
დოკუმენტის მიმღები | ხელვაჩაურის მუნიციპალიტეტი |
მიღების თარიღი | 13/07/2010 |
დოკუმენტის ტიპი | მუნიციპალიტეტისა და თვითმმართველი ქალაქის საკრებულოს დადგენილება |
გამოქვეყნების წყარო, თარიღი | ადგილობრივი საინფორმაციო საშუალებები, 0, 14/07/2010 |
სარეგისტრაციო კოდი | 010260030.35.133.002150 |
ხელვაჩაურის მუნიციპალიტეტის საკრებულოს
დადგენილება №25
2010 წლის 13 ივლისი
დაბა ხელვაჩაური
„ხელვაჩაურის მუნიციპალიტეტის გამგეობის საფინანსო -ეკონომიკური სამსახურის დებულების დამტკიცების შესახებ“ ხელვაჩაურის მუნიციპალიტეტის საკრებულოს 2009 წლის 26 მარტის №3/3 დადგენილებაში ცვლილებებისა შეტანის თაობაზე
„ნორმატიული აქტების შესახებ“ საქართველოს კანონის მე -20 მუხლის შესაბამისად ხელვაჩაურის მუნიციპალიტეტის საკრებულომ დაადგინა:
მუხლი 1.
„ხელვაჩაურის მუნიციპალიტეტის გამგეობის საფინანსო -ეკონომიკური სამსახურის დებულების დამტკიცების შესახებ“ ხელვაჩაურის მუნიციპალიტეტის საკრებულოს 2009 წლის 26 თებერვლის №3/3 დადგენილებით (გაზეთი „აჭარა“ №40, 09 -10.04.2009., გვ. 12) დამტკიცებულ ხელვაჩაურის მუნიციპალიტეტის გამგეობის საფინანსო -ეკონომიკური სამსახურის დებულებაში შეტანილ იქნეს შემდეგი ცვლილებები:
ა) მე -2 მუხლის მე -2 პუნქტი ჩამოყალიბდეს შემდეგი რედაქციით:
„2. სამსახური თავისი კომპეტენციის ფარგლებში უზრუნველყოფს გამგებლის, გამგებლის მოადგილის (მოადგილეების) ცალკეული დავალებების შესრულებას“.
ბ) მე -4 მუხლის „დ“ ქვეპუნქტი ამოღებულ იქნეს:
გ) მე -5 მუხლი ჩამოყალიბდეს შემდეგი რედაქციით:
„მუხლი 5. საბიუჯეტო განყოფილების ძირითადი ფუნქციები და ამოცანებია:
ა) „საქართველოს საბიუჯეტო კოდექსის“ შესაბამისად ადგილობრივი ბიუჯეტის პროექტის შემუშავება, მუნიციპალიტეტის საკრებულოს დადგენილების პროექტის მომზადება;
ბ) თითოეული მხარჯავი დაწესებულების მიხედვით საშტატო რიცხოვნობისა და ასიგნებების ზღვრული მოცულობების შესახებ საბიუჯეტო ცირკულარის მომზადება;
გ) ადგილობრივი ბიუჯეტის შემოსულობებისა და გადასახდელების განწერის შედგენა თვეებისა და კვარტლების მიხედვით;
დ) ადგილობრივი ბიუჯეტის შემოსულობებისა და გადასახადების წლიური განწერის ფარგლებში საბიუჯეტო დაწესებულებების, ადგილობრივი ბიუჯეტით გათვალისწინებული ღონისძიებების, პროგრამებისა და სამუშაოების შესრულების შესაბამისად დაფინანსების განხორციელება;
ე) მონაწილეობის მიღება საბიუჯეტო მიზნობრივი პროგრამების შემუშავებისა და მონიტორინგის პროცესში;
ვ) ეკონომიკის განვითარების არსებული ტენდენციების ანალიზი;
ზ) ეკონომიკური განვითარებისა და საბიუჯეტო შემოსალების პროგნოზირების განხორციელება;
თ) კომპეტენციის ფარგლებში ხელვაჩაურის მუნიციპალიტეტის ეკონომიკური პოლიტიკის და ეკონომიკური რეფორმების შემუშავებაში მონაწილეობის მიღება;
ი) დამატებითი ინვესტიციების მოზიდვისათვის შესაბალმისი წინადადებების შემუშავება;
კ) ეკონომიკური განვითარების საკითხებზე გამართული სემინარების, ტრენინგებისა, თუ სხვა ღონისძიებების საჭიროების შემთხვევებში ორგანიზება და მონაწილეობის მიღება;
ლ) მუნიციპალიტეტის ბიუჯეტიდან მიზნობრივი დაფინანსების მისაღებად განკუთვნილი პროგრამებისა და პროექტების ეკონომიკური შეფასება;
მ) კანომდებლობით გათვალისწინებული სხვა ამოცანებისა და უფლებამოსილების განხორციელება;
დ) მე -7 მუხლის „ვ“ ქვეპუნქტის შემდეგი რედაქციით:
„თ) შეასრულოს გამგებლის, გამგებლის მოადგილის (მოადგილეების), სამსახურის უფროსის ცალკეული დავალებები“.
ე) მე -8 მუხლი ამოღებულ იქნეს.
მუხლი 2.
დადგენილება ამოქმედდეს „ხელვაჩაურის მუნიციპალიტეტის 2010 წლის ადგილობრივი ბიუჯეტის დამტკიცების შესახებ“ ხელვაჩაურის მუნიციპალიტეტის საკრებულოს 2009 წლის 30 დეკემბრის №12/1 დადგენილებაში ცვლილებების შეტანის თაობაზე ხელვაჩაურის მუნიციპალიტეტის საკრებულოს დადგენილების ძალაში შესვლის დღიდან.
საკრებულოს თავმჯდომარის
მოვალეობის შემსრულებელი კახაბერ სირაბიძე
დოკუმენტის კომენტარები