მარტვილის მუნიციპალიტეტის გამგეობის თანამდებობის პირების, სხვა მოხელეებისა და საჯარო მოსამსახურეთა თანამდებობრივი სარგოს განაკვეთების განსაზღვრის შესახებ მარტვილის მუნიციპალიტეტის საკრებულოს 2009 წლის 20 იანვრის №2 დადგენილებაში ცვლილებების შეტანის შესახებ

დადგენილება №8

2010 წლის 24 ივნისი

ქ. მარტვილი     

 „მარტვილის მუნიციპალიტეტის გამგეობის თანამდებობის პირების, სხვა მოხელეების და საჯარო მოსამსახურეთა თანამდებობრივი სარგოს განაკვეთების განსაზღვრის შესახებ“ მარტვილის მუნიციპალიტეტის საკრებულოს 2009 წლის 20 იანვრის №2 დადგენილებაში ცვლილების შეტანის შესახებ

„ადგილობრივი თვითმმართველობის შესახებ” საქართველოს ორგანული კანონის 22-ე მუხლის პირველი პუნქტის „ი” ქვეპუნქტის, 44-ე მუხლის პირველი პუნქტის, „საჯარო სამსახურის შესახებ“ საქართველოს კანონის მე-9 მუხლის მე-3 პუნქტის „პ” ქვეპუნქტის, „ნორმატიული აქტების შესახებ“ საქართველოს კანონის 20-ე და 23-ე მუხლის პირველი პუნქტის შესაბამისად დაადგინა:

შეტანილ იქნას ცვლილება „მარტვილის მუნიციპალიტეტის გამგეობის თანამდებობის პირების, სხვა მოხელეების და საჯარო მოსამსახურეთა თანამდებობრივი სარგოს განაკვეთების განსაზღვრის შესახებ“ მარტვილის მუნიციპალიტეტის საკრებულოს 2009 წლის 20 იანვრის №2 დადგენილებაში, კერძოდ:

ა) შეიცვალოს დადგენილების №1 დანართის პირველი სტრიქონით განსაზღვრული გამგებლის თანამდებობრივი სარგო და განისაზღვროს ორი ათას სამას სამოცი (2360) ლარით.

2. დადგენილების დანარჩენი ნაწილი დარჩეს უცვლელად.

3. საკრებულოს აპარატმა უზრუნველყოს „ნორმატიული აქტების შესახებ“ საქართველოს კანონით  განსაზღვრული წესით საკრებულოს დადგენილების  რეგისტრაცია და გამოქვეყნება.

4. დადგენილება ძალაშია კანონმდებლობით დადგენილი წესით გამოქვეყნებისთანავე.

საკრებულოს თავმჯდომარე                                     ზაალ გოროზია