სააქციო საზოგადოებების ,,ქიმბოჭკოს", ,,ტამის", ,,მეტეხის კერამიკის", ,,საქაბრეშუმისა" და ,,საქტუნგოეთერზეთის" სახელმწიფო საკუთრებაში არსებულ აქციათა პაკეტების პრივატიზების შესახებ

საქართველოს პრეზიდენტის

ბრძანებულება №442

2000 წლის 12 ოქტომბერი

ქ. თბილისი

სააქციო საზოგადოებების „ქიმბოჭკოს“, „ტამის“, „მეტეხის კერამიკის“, „საქაბრეშუმისა“ და „საქტუნგოეთერზეთის“ სახელმწიფო საკუთრებაში არსებულ აქციათა პაკეტების პრივატიზების შესახებ

„სახელმწიფო ქონების პრივატიზების შესახებ“ საქართველოს კანონის საფუძველზე საქართველოს მსხვილ სამრეწველო საწარმოთა სტრუქტურული გარდაქმნების, პრივატიზების პროცესის დაჩქარების, მსოფლიო ბანკის სტრუქტურული გარდაქმნის მესამე კრედიტით განსაზღვრული პირობების შესრულებისა და ინვესტიციების მოზიდვის მიზნით:

1. სააქციო საზოგადოებების „ქიმბოჭკოს“, „ტამის“, „მეტეხის კერამიკის“, „საქაბრეშუმისა“ და „საქტუნგოეთერზეთის“ სახელმწიფო საკუთრებაში არსებულ აქციათა პაკეტების პრივატიზება განხორციელდეს თანდართული სიმბოლური საწყისი გასაყიდი ფასებით, კომერციული კონკურსის ფორმით და სათანადო საინვესტიციო პროგრამების განხორციელების პირობით.

2. საქართველოს სახელმწიფო ქონების მართვის სამინისტრომ (მ. უკლება), ეკონომიკის, მრეწველობის და ვაჭრობის სამინისტრომ (ვ. ჩხარტიშვილი) და სოფლის მეურნეობისა და სურსათის სამინისტრომ (დ. კირვალიძე) კონკურსის გამოცხადების მიზნით უზრუნველყონ სათანადო ღონისძიებათა გატარება.

ე. შევარდნაძე

სააქციო საზოგადოებების „ქიმბოჭკოს“, „ტამის“, „მეტეხის კერამიკის“, „საქაბრეშუმისა“ და „საქტუნგოეთერზეთის“ სახელმწიფო საკუთრებაში არსებულ აქციათა პაკეტების სიმბოლური საწყისი გადასაყიდი ფასები