ყაზბეგის მუნიციპალიტეტის გამგეობის მოსაკრებლების სამსახურის დებულების დამტკიცების შესახებ

სახელმწიფო სარეგისტრაციო კოდი 010.260.020.35.151.000.714

ყაზბეგის მუნიციპალიტეტის საკრებულოს

დადგენილება №26

2010 წლის 31 აგვისტო

დ. სტეფანწმინდა

ყაზბეგის მუნიციპალიტეტის გამგეობის მოსაკრებლების სამსახურის დებულების დამტკიცების შესახებ

 „ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „თ“ ქვეპუნქტისა და 43-ე მუხლის მე-2 პუნქტის შესაბამისად, ყაზბეგის მუნიციპალიტეტის საკრებულო ადგენს:

    მუხლი 1

დამტკიცდეს ყაზბეგის მუნიციპალიტეტის გამგეობის მოსაკრებლების სამსახურის დებულება შემდეგი სახით:

მუნიციპალიტეტის მოსაკრებლების სამსახურის დებულება

    მუხლი 1. მუნიციპალიტეტის მოსაკრებლების სამსახური

1. მუნიციპალიტეტის მოსაკრებლების სამსახური (ტექსტში შემდგომ – სამსახური) არის ყაზბეგის მუნიციპალიტეტის გამგეობის სტრუქტურული ერთეული, რომელიც უზრუნველყოფს მუნიციპალიტეტის საქმიანობას ადგილობრივი მოსაკრებლის სფეროში.

2. სამსახური თავის საქმიანობას წარმართავს საქართველოს კანონმდებლობის, გამგეობის დებულების, ამ დებულებისა და მუნიციპალიტეტის სხვა სამართლებრივი აქტების შესაბამისად.

3. სამსახურის საშტატო განრიგი და მოხელეთა თანამდებობრივი სარგოები განისაზღვრება გამგეობის საშტატო ნუსხით.

    მუხლი 2. სამსახურის სტრუქტურა

1. სამსახური შედგება სამსახურის უფროსისა და მოხელეებისგან (სპეციალისტებისგან).

2. სამსახურის საქმიანობას წარმართავს სამსახურის უფროსი, რომლის უფლებამოსილებები და სამსახურებრივი ფუნქციები განისაზღვრება გამგეობის დებულებით და სამსახურის უფროსის სამუშაოთა აღწერილობით. უფროსის არყოფნის შემთხვევაში, სამსახურის უფროსის უფლება-მოვალეობებს გამგებლის დავალებით ახორციელებს ერთ-ერთი მოხელე (სპეციალისტი).

3. სამსახურის მოხელეთა თანამდებობაზე დანიშვნა-გათავისუფლების წესები განისაზღვრება გამგეობის დებულებით, “საჯარო სამსახურის შესახებ“ საქართველოს კანონის შესაბამისად.

    მუხლი 3. სამსახურის ფუნქციები

1. სამსახური დადგენილი წესით უზრუნველყოფს:

ა) ადგილობრივი მოსაკრებლების ადმინისტრირებისათვის სათანადო წინადადებების შემუშავებას.

ბ) სტატისტიკური ინფორმაციის შეგროვებას და დამუშავებას;

გ) ადგილობრივი მოსაკრებლების შემოღების, გაუქმების, მათზე შეღავათების დაწესების წინადადებების მომზადებას;

დ) სახეობების მიხედვით ადგილობრივი მოსაკრებლების დიფერენცირებული ოდენობების, გადახდის პერიოდულობისა და ვადების დადგენას;

ე) ადგილობრივი მოსაკრებლების გადახდევინების ინსტრუქციების შემუშავებას;

ვ) ადგილობრივი მოსაკრებლების გადამხდელებთან სათანადო ხელშეკრულებების მომზადებას;

ზ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.

    მუხლი 2

დადგენილება ძალაშია გამოქვეყნებისთანავე.

საკრებულოს თავმჯდომარე გ. მალანია